Accessibility links

дүшәмбе, 5 декабрь 2016, Казан вакыты 01:23

Här şäxesneñ üz yöze


Başta elek iğlan itelgän ber çara turında. Sverdlaw ölkäseneñ tatar artistları çığışı Qazan milli mädäniät üzägendä matur ütte. Xäydär Gilfanovnı, Al'bina Waxitova, Rezeda häm Fail Yarullinnarnı häm başqa cırçılarnıñ çığışları tansıq häm qızıqlı ide. Bu tamaşanıñ töp qaharmanı “Bez- tatarlar” digän audiocıyentıq buldı. Şuşı kassetanı Milli Media-Xolding oyışması citäkçese Fäwiä Safiullina üz köçenä çığarğan. Soñınnan Uraldan kilgän qärdäşlärebez jurnalistlar belän oçraşıp, yämle genä mäcles ütkärde. Anda süz millät, sänğät, tuğan yaq urında bardı. Elege çaranıñ matdi mäşäqätlären Bötendönya tatar kongressı üz östenä aldı. Filarmoniäneñ Konsertlar zalında Tatarstannıñ häm Rusiäneñ maqtawlı isemnäre iäse, yuğarı zäwıqlı cırçı Emil' Cäläletdinovnıñ kiçäse ütte.

“Piramida” mädäni-küñel açu üzägendä İlsur Safin “Qazan minem yazmışım» dip atalğan yaña konsert programmasın täqdim itte.

27nçe oktäber düşämbe kiçendä möhim ike Uniks Konsertlar zalında “Ber qartlıqta , ber yäşlektä” isemle konsertta İlham Şakirov belän Älfiä Afzalova çığış yasadılar. Säxnä veterannarı haman da milli sänğätebezneñ iñ yaqtı yoldızları bulıp qalalar.

Ä düşämbe, sişämbe kiçälärendä Qamal teatrı säxnäsendä Nijgarda tuıp üskän Xalidä Begiçeva häm “İzge ay” törkeme çığış yasıylar.

31nçe oktäber könne S. Säydäşev isemendäge Däwlät Zur konsert zalında TR xalıq şağire Rawil Fäyzullinnıñ yubiley kiçäse zur şiğriät mizgele bulaçaq dilär.

Soñğı şimbädä, 25nçe oktäberdä, Tatarstan xalıq yazuçısı Nurixan Fättäxqa 75 yäş tuldı. Anıñ turında barlıq gäzitlär dä diärlek zur mäqälälär bastırdı. Nurixan Fättäxnıñ icatına bağışlanğan çaralar da bulır äle, möğayın, bulmıy qalmas. Bu yazuçınıñ xezmäte dä, talantı da bik olı bit.

Azatlıq radiosı öçen Qazannan Mälikä Basıyr

XS
SM
MD
LG