Qazan küpmillätle mädäniät uçağı

Uzıp baruçı atnanıñ düşämbe könendä Qamal teatrı binasında üzeneñ moñlı tatar xalıq köyläre başqaruı belän yaxşı tanış bulğan Mirsäyet Sönğätullinnıñ 50 yäşlek yubiley kiçäse uzdı. Tırışqan taba, taşqa qadaq qağa di xalıq mäqäle.Yäştän ük Zifa Basıyrova ,İlham Şakirovlarnıñ moñın tıñlap üskän Tatarstannıñ Älki rayonı yegete Mirsäyet, mäktäpne tämamlağaç ta, muzıka belän şöğellänergä mömkinçelek bulmawına qaramastan ul, cırlawdan tuqtamıy. Çallıda, Saban tuyında, anıñ cırlawın Qazan konservatoriä rektorı Näcip Cihanov işetep ala da, yegetne äzerlek kursına kertä. Menä şulay professional' cırçı bulıp kitep, ul inde xäzer xalıq artistı isemenä layıq.

Yaña kitap çıqtı. Ul “Tatar xalqı muzıykası” dip atala.Tatar xalqınıñ köyeneñ üzençäleklären çağıldırğan, bu kitapnıñ avtorı tatar xalqınıñ köylären, cırların tuplawçı, etnograf, fol'klorçı,professor Mäxmüt Niğmädcanov. Ul 1985nçe yılda etnomuzıykologiä ölkäsendäge eşläre öçen Tuqay premiäsenä layıq bula. Bu kitap turında ul üze söyli.

Mäxmüt Niğmätcanov tatar xalqınıñ Ästerxan, Seber, İdel buylap yäşägän tatarlarnıñ köylären, cırların yazdırıp alğanın söyläde. “Bu kitapqa töp çığanaq bulıp torğan xalıq moñı, xalıq ruxı kerde”,- dide ul. Äbi- babaylarıbız aşa yıraq tarixtan qalğan bu kitapqa kergän “yıl” , “Şaxter cırı” ,“Çatırlar” , “Xan qızı”, “Olı yulnıñ tuzanı” kebek tatar xalıq cırları, bügenge köndä dä bik populyar. Ä bu cırlarnıñ kitapqa kerüe, alarnıñ ğömeren tağı da ozayta.

Mädäniät yañalıqlar arasında tağın şunı da äytep kitäse kilä. Teatr säxnälärendä bu atnada Rabit Batullanıñ p'yessası buyınça 3 spektakl' quyıla. Alarnıñ ikese 11 һәм 13nçe noyäberdä Qamal teatrında Miläwşä Zakirova säxnäläştergän “Kiçer mine änkäy” spektakle bulsa, ikençese 12nçe noyäberdä Tatar yäşlär teatrında bıyıl oktäber ayında premyerası bulğan “Saq-soq” spektakle.

Qazan şähäre küptörle millät uçağı. 14 -16nçı noyäberdä Uniks konsertlar zalında Qazanlılar häm qunaqlar Kavkaz xalıq iyüllären qarıy ala. Menjinskiy mädäniät sarayında 16nçı noyäberdä Yähüd konsertı. 14nçe noyäberdä Zur konsertlar zalında Daniil Kramer fortepianoda, ä Feliks Laxutin skripkada uynap konsert birä.16nçı noyäberdä bu zalda Tatarstannıñ xalıq artistkası Klara Xäyretdinovanıñ yubiley kiçäse uza.

Sirkta 15nçe noyäberdä Mäskäwdän kilgän Valeriä konsertı bula. Bilet xaqları 500-900 sumğa qädär. 16nçı noyäberdä “Piramida”da Oleg Lundrestem orkestrı konsertı bulaçaq. Dirijer Georgiy Garanyan. Bu kicägä bilet xaqları tübänräk,250-65 sum. Ä menä K. Tinçurin drama häm komediä teatrında biletlar alırğa küplärneñ köçе citärlek. 15nçe noyäberdä Näqi İsänbätneñ Xuca Nasretdin isemle spektakle kürsätelä.

16nçı noyäberdä isä K. Tinçurinnıñ “Xikmätle doklad” spektakl'lären qararğa bula. Ä 17nçe noyäberdä K.Tinçurin teatrı binasında Tatarstannıñ xalıq yazuçısına 75 yıl tuluğa bağışlanğan kiçä uzdırıla. 16nçı noyäberdä Qamal teatrı K Tinçurinnıñ “Qazan sölgese”muzıykal' komediäsen kürsätä.

Azatlıq radiosı Qazan Mälikä Basıyr.