Annan, mäktäpkäçä yäştäge balalarnı tärbiäläw üzägennän belgeç Tamara Gradoboeva belderüençä, bu balalarğa mäğlümat çaraları tarafınnan da iğtibar zur, balalar radio häm televizion tapşırularda qatnaşu öçen şiğırlär yatlıy, cırlar öyränä, bu da üz çiratında telne öyränüdä ber etärgeç bulıp tora. Tamara Gradoboeva şul uq waqıtta baqçada uqıtu-tärbiä eşendä xezmätkärlärneñ tırışlığın bilgeläp, alarğa qıyuraq bulırğa täqdim itte — rayon, şähär külämendä uzdırılğan konkurs, festival'lärdä qatnaşıp, üzlären kürsätergä waqıt dide. Mäsälän, küptän tügel İjawda çit il qunaqları baqçalarda tuğan telne öyrätü täcribäse belän qızıqsınıp, tatar häm udmurt gruppaları bulğan baqçalarda buldılar. Alar tatar törkemnäreneñ eşen yuğarıraq bäyälägän.
Milli säyäsät ministrlığı da baqçağa teläktäşlek kürsätä, äle küptän tügel alar milli kostyumnar tegü öçen finans yärdäm kursättelär, dide baqça mödire Liliä Rudol'f qızı. Xäzerge oçraşuğa da milli kiemnärdän qurçaqlar tuplaması alıp kilgännär. Qurçaqlar däreslärdä ballarnı qızıqsındıru, anı mawıqtırğıç itep uzdıruda qullanu öçen bik kiräkle, dip östäde Nailä xanım. Şulay uq mäğärif ministırlıgınnan belgeç Älfiä Ğaysina alıp kilgän Älifba, balalar öçen matur ädäbiät kitapları da baqça xezmätkärläre eşendä — balalarnı uqırğa öyrätärgä dä, şul uq waqıtta qatnaş ğailälärdän ata-analarğa metodik qullanma bularaq ta yärdäm itäçäk.Ul könne tärbiäçelär baqçadan yıraq bulmağan, yıl sayın tatar sıynıfları tuplanıp kilgän 55nçe sanlı mäktäpneñ ana tele uqıtuçısı Rämzilä Raxman qızı Ğaneyeva belän dä küreşep, kiläçäktä bu oçraşularnı daimi uzdıru turında suz alıp bardılar. Uqıtuçı balalar belän tanışıp, ata-analar cıyılışlarında qatnaşırğa niäte buluın belderde. Şulay itep tatar sıynıfına balalar tuplawnı, nänilärneñ baqçada tuğan telen öyränä başlaw çorınnan alıp barırğa kiräklege dä assızıqlandı. Üz çiratında bu däwamçılıqnı buldıruğa ber basqıç ta, balalar da yuğalıp qalmas, ata-analar da qaysı uqıtuçığa balasın tapşırasın aldan saylar.
Xämidä Ğayfullina, Udmurtiä.
