Accessibility links

сишәмбе, 6 декабрь 2016, Казан вакыты 15:19

Rusiä premyer-ministrı Mäskäwneñ Kioto berketmäsenä quşıla aluwın belderä


Mäskäw. Rusiä premyer-ministrı Mixail Kasyanov, dönyaküläm cılınu turındağı Kioto berketmäsenä quşılu maqsatında Mäskäw "maxsus ğämällär planı"n äzerli dip belderde. Şuşı süzlären ul bügen yapon xäbärçeläre belän aralaşqanda äytte, düşämbedä anıñ Yaponiägä räsmi säfäre başlana. Kasyanov şulay da älege plannıñ nidän ğibarät buluwı xaqında täfsille mäğlümat birmäde, barı tik, bu "kötelgängä qarağanda ozaqqaraq suzılaçaq" dip äytte. Rusiä başta, hawağa kümer gazın çığarunı kimetü maqsatın quyğan Kioto berketmäsen imzalasa da, soñraq andağı yöklämälärne ğämälgä aşıru mäs'äläsendä qarşılıqlı belderülär yasağan ide.

XS
SM
MD
LG