Taciqstandağı iñ zur İslam firqalärennän berse bulğan İslamğa qaytu partiäse wäkile Kiyomeddin Avezov, Associated Press mäğlümat agentlığına, partiäneñ başqa äğzase Kasım Räximovqa belderelgän ğayepläwlärneñ säyäsi nigeze bar, dip belderde. İke atna elek Räximov östennän mäxkämä eşe başlandı. Ul 8 qız balanı köçläwdä ğayeplänä. Räximov üze bu ğayepläwlärne kire qaqtı. Soñğı yıllarda İslamğa qaytu firqase berniçä tapqır xökümätne basım yasawda ğayepläde. Mäxkämä aldına basqan Räximov isä – partiäneñ yuğarı idaräse äğzaläreneñ berse.
