Accessibility links

Кайнар хәбәр

Qazanda 2003-nçe yılnıñ iñ yaxşı İnternet säxifälären büläkläw tananası uzdı


Qazan. Bügen Tatarstan başqalasında 2003-nçe yılnıñ iñ yaxşı İnternet säxifälären büläkläw tananası uzdı. "TatNet yoldızları" dip atalğan bäyge näticäsendä ber törkem belgeç törle kategoriälärdä tatar telendäge häm tatarlarğa bağışlanğan säxifälär arasınnan iñ yaxşıların açıqladı. İnternettağı massaküläm mäğlümat çaraları arasında berençelekne "Tatarstan yäşläre" gazetasınıñ İnternet säxifäse aldı, kiril xäreflärendäge säxifälärdän "Mäğrifät" basması, ä latin xärefläre belän eşläwçelär arasınnan "Azatlıq" radiosınıñ tatar-başqort redaksiäse säxifäse iñ yaxşı dip tabıldı. Tatar ictimaği oyışmaları arasında berençelekne Bötendönya Tatar Kongressınıñ İnternet säxifäse aldı. Ciñüçelärne büläkläw tantanasın Tatarstannıñ "TatMedia" idaräse yardämendä "İntertat.ru" elektron basması oyıştırdı. Bıyılğı bäygedä barlığı 115 säxifä qatnaşqan ide.
XS
SM
MD
LG