Accessibility links

пәнҗешәмбе, 8 декабрь 2016, Казан вакыты 21:14

Qazanda dramaturg Ğäliäskär Kamal tuuğa 125, rejisser Käşifä Tumaşeva tuuğa 101 yıl tulunı bilgeläp üttelär


Bäyräm, yal könnäre bulu säbäple, bu arada Tatarstanda ällä ni zur yañalıqlar yuq. Yaña yıllardan soñ xalıq äle haman nıqlap torıp eşkä kereşä almıy. Citmäsä Qazanğa gripp epidemiäse dä kilep citte. Xäyer, tabiplar süzlärenä qarağanda, bu atnada älege awıru belän integüçelärneñ sanı uzğan atna belän çağıştırğanda 20 protsentqa kimegän. Läkin, awırularğa da qaramastan, bäyräm itüçe, çırşı bäyrämnärenä, teatr, konsertlarğa yörüçelärneñ sanı kimemi. İñ soñğı yañalıqlar da bu könnärdä näq menä şul mädäniät ölkäsennän. 6 ğinwar könne Qazanda kürenekle dramaturg, yazuçı Ğäliäskär Kamalnıñ tuuına 125 yıl tulunı bäyräm ittelär. Şuşı uñaydan dramaturgnıñ isemen yörtkän teatrda zur, tantanalı kiçä uzdı. Anda Ğäliäskär Kamalnıñ tormış yulı, küpqırlı eşçänlege turında sänğät belgeçläre söylädelär, anıñ zamandaşlarınıñ xatiräläre belän tanıştırdılar. Şulay uq, tamaşaçılarğa dramaturgnıñ äsärlärennän özeklär dä täqdim itelde. Äytergä kiräk, Ğäliäskär Kamal äle tatar tamaşaçısın rus häm çit il dramaturglarınıñ säxnä äsärläre belän tanıştırğan keşe dä. Ul Ostrovskiy, Gogol’, Mol’ernıñ pyesaların tärcemä itkän. Sişämbe könne uzğan tantanalı kiçädä şulay uq cırçılar İlham Şakirov, Klara Xäyretdinova, Aydar Ğäbdinov, Gölşat İmamieva da qatnaştı.

Şuşı könnärdä genä Kamal teatrı belän bäyle tağın ber xäbär kilep ireşte. Süz dramaturgiä ölkäsendä iğlan itelgän Yaña tatar pyesası bäygese xaqında bara. Älege bäygegä äsärlärne qabul itü tämamlandı. Xäzer Mirqasıym Ğosmanov citäkçelegendäge märtäbäle jyuri bäygegä tapşırılğan pyesalar arasınnan iñ yaxşıların saylap aluğa kereşäçäk. İsegezgä töşerep ütik, alar saylap alğan 10 äsär ikençe etapta yarışaçaq. Ciñüçe äsärlärneñ avtorlarına aqçalata premiä tapşırılaçaq, ä iñ qızıqlı pyesa säxnäläştereläçäk. 7 ğinwarda tağın ber tatar teatrı tarixında zur ez qaldırğan şäxesneñ tuğan köne. Bu könne berençe tatar xatın-qız rejisserı Käşifä Tumaşevanıñ tuğan.



Gölnaz İlgizär

XS
SM
MD
LG