Accessibility links

пәнҗешәмбе, 8 декабрь 2016, Казан вакыты 19:20

Matbuğatqa küzätü


Şähri Qazan gäcite üzeneñ 14nçe ğinwar sanında yänä Yaña yıl qotlawların bastırıp çıqqan. Läkin bu yulı inde İske Yaña yıl belän. Şunda uq iñ çın Qış babaynı saylağan bäyge turında da xäbär itelä. Älege yazma bu yılnı Qış babaynıñ soñğı sälämeder inde dip ömetlänäse qala. Monnan tış çärşämbe könne Şähri Qazan soñğı räsmi xäbärlär häm başqala yañalıqları belän tanıştıra. Şulay uq gäcitneñ tulı ber bite saylawlar temasına bağışlanğan. Älege yazmalardan uquçılar saylaw qanunnarındağı soñğı üzgäreşlär xaqında, kiläçäk Däwlät Şurasınıñ sostavı turında belä alalar, ğadi saylawçılarnıñ fikerläre belän dä tanışa alalar. Şähri Qazannıñ soñğı bite Fän häm milli mäğärif belän qızıqsınuçılarnıñ iğtibarın cälep itär. Belem birüneñ yaña standartları xaqında respublikanıñ Mäğärif ministrı Faris Xarisov belän äñgämä ayıruça qızıqlı. Watanım Tatarstan berençe bite ğädättägeçä räsmi xäbärlärgä birelgän. Annan tış gäcit üzeneñ uquçıların Tatarstan Däwlät Şurasına deputatlıqqa nämzätlärneñ kereme häm mölkätläre turında mäğlümat belän tanıştıra. Şulay uq Watanım Tatarstannıñ çärşämbe sanında Gölgenä Lotfullinanıñ rişwätçelek problemasına bağışlanğan külämle yazması da iğtibarğa layıq. Ä menä Üzäk matbuğatınıñ cirle bitläre ciñelräk, ğadi xalıqqa qızığraq temalarğa yaza. Mäsälän, şularnıñ bersendä Tatarstan çibärkäyläreneñ bäygesenä kilgän Miss Yevropanıñ Qazannıñ ber restoranında oşatqan taşbaqa turında yazma urın alğan. Gäcitneñ berençe bitendä älege missnıñ şul taşbaqa belän töşkän zur ğına fotosı da urnaştırılğan. Respublikada basıla torğan qayber rus telle matbuğat ta «Miss Tatarstana» dip atalğan çibärkäylär bäygesen iğtibarsız qaldırmadı. Şularnıñ bersendä, mäsälän, oyıştıruçılarnıñ fikere dä citkerelgän. Ciñüçegä iğänäçelär tarafınnan tapşırıla torğan Oka maşinası, missqa kileşä torğan maşina tügel ikän.

XS
SM
MD
LG