Accessibility links

дүшәмбе, 5 декабрь 2016, Казан вакыты 13:45

Matbuğatqa küzätü


Çärşämbe könne tatar telendä basılğan gäcitlär bügen küp tügel. Alar arasında iñ külämlese – Watanım Tatarstan. Üzeneñ çärşämbe sanında ul soñğı könnärneñ räsmi xäbärlärennän başqa Mintimer Şäymievneñ “Novaya gazeta”da basılğan äñgämäse belän tanıştıra. Şulay uq gäcit respublika Däwlät Şurasına saylawlarda qatnaşaçaq nämzätlär xaqında mäğlümatlar birä. Bu yulı uquçılar Rusiä Kommunistlar firqäseneñ Tatarstan bülekçäse nämzätläre belän tanışa ala. Annan tış, gäcitneñ çärşämbe sanında respublikanıñ Alekseevski rayonı turında, Rusiädä yäşäwçe balalarnıñ yazmışı xaqında yazmalar da urın alğan. 27nçe ğinwar – Leningrad qamalışın özügä 60 yıl tulu uñayınnan, Watanım Tatarstan Suğışçan dan klubınıñ älege temağa bağışlanğan utırışı turında yaza. Älege xaqta rus telendä basıla torğan Veçernyaya Kazan' gäcite dä söyli. Şulay uq bu gäcit cırçı Zakir Şäxbannıñ yaña ğına dönya kürgän cıyıntığı turında da yaza. Zaman törkemennän kitep, üzeneñ şäxsi karyerasın başlağan cırçınıñ bu äle berençe icat cimeşe. Anda muzıkantnıñ tormış iptäşe – Gölüsä xanımnıñ dä icatı urın alğan.



Gölnaz İlgizär

XS
SM
MD
LG