Böyek cırçı Räşit Wahapovnıñ xalqıbıznıñ millät bularaq saqlanıp qaluında bäyäläp betergesez rolen istä totıp, cırçınıñ mirasın mäñgeläşterü yözennän, tatar xalqınıñ milli berdämlegen nığıtu , milli cır sänğäten kamilläşterü maqsatınnan tatar cır festivale uzdırırğa qarar qabul itelgän. Bu Qararnı aprel'- dekaber aylarında ğämälgä quyu turında BTK BK, Tübän Novgorod tatarlarınıñ Qazan şähärendäge «Yaqtaşlar» cämğiäte, «Qazan» milli-mädäniät üzäge häm «Tatarstan» jurnalı redaksiäse qabul itkän.
Festival' tatarlar yäşägän töbäklärdä uzaçaq.Festival'neñ gala-konsertı dekaber ayında Qazanda uzaçaq.
Şulay uq «Räşit Wahapov häm tatar cır sänğäte» digän temağa fänni-ğamäli konferensiä uzdıru qaralğan.
Festival' qısalarında Rifat Fättäxovnıñ yaña dönya kürgän «Räşit Wahapov»digän kitabın täqdir itü, cırçınıñ yazmalarınnan tözelgän audio, häm kompakt-disk çığaru küzdä totıla.
Azatlıq radiosı Mälikä Basıyr Qazan.
