Accessibility links

шимбә, 3 декабрь 2016, Казан вакыты 20:47

Galileo Galilei tatar bulğanmı?



Казанские ведомости gäzite, 1nçe april sanında şundıy isem belän mäqälä bastıra. Gäzit xäbärçese, şäcärälärne tikşerüçe ğalim Kulçey Ğiniätulla ulı Kildibabayıv belän äñgämä qorıp, gäzit uquçıların qızıqlı mäğlümatar belän tanıştıra. Ber zaman, ğalimnär ekspeditsiädän borınğı yazular alıp qaytqan bulğan. Alar Baltaç rayonınıñ İske Kabal awılında tabıla. Şuşı borınğı käğäzlärdä äytelgänçä, bu awıldan ataqlı Koballar, säwdägärlär näsele çıqqan.

Ğalim Kildibabayıv yasağan tağın ber açış, monsınnan tağı da zurraq ikän. Urta ğasırlarda yäşägän ğalim Galileo Galilei – çip çi tatar ikän. Ul Ğäli morza häm bäk qızı Bibimäryäm Bornaş ğailäsendä tuğan. Ğäli morza Qazanda, xäzerge Karl Marks uramı tiräsendä yäşägän, 1552 yılda Qazan yığılğaç, cir astı yulları belän, ğailäse belän, şähärdän qaçıp ölgergän. Ozaq yıllar buyı törle illärdä yörgännän soñ, İtaliädä, Toskanada töplänep qala. 1564 yılda Ğäli morzanıñ ulı tua. Aña Xälil Ğäliev digän isem birälär, läkin italyannar anı Galileo Galilei, dip yörtä başlıy.

Şuşı ataqlı näselneñ isemen mäñgeläşterü yözennän, Qazan şähär xakimiätläre şähärneñ ber uramınıñ isemen Xälil Ğäli, ikençe törle äytkändä, Galileo Galilei isemenä alıştırırğa ciena ikän. Bu xaqta Казанские ведомости gäzite yazıp çıqtı.

Bikä Timerova.

XS
SM
MD
LG