Ğiraqnıñ ike iñ qaynar noqtasında Najaf belän Falluca şähärläre tiräsendä bügen kierenkelek saqlansa da – köç qullanu turında xäbärlär bulmadı. Najaf tiräsenä 2 meñgä yaqın amerikan xärbi kiterelde. Şähärdäge möselman ruxanie Moqtada As-Sadr köçlärenä qarşı häcüm bulaçağına işarälär yuq.
Fallucada – amerikan ğaskärläre belän şähärdäge Ğiraq suğışçıları arasında başlanğan söyläşülärneñ bilgelängän waqıtı bügen tämamlana.
Ul arada Ğiraqnıñ Süriä belän çiktäş töbägendä Quşma Ştatlarnıñ maxsus köçläre – marinnar häm Ğiraq ğısyançıları arasında bäreleşlär bara. Amerikannar belän bergä yörgän ber jurnalist kiçä Husaybah şähäre yanında 5 amerikan xärbie häm küp sanlı ğıraq suğışçıları hälak buldı, dip xäbär itte.
Kiçä Tähran delegatsiäseneñ Ğiraqtağı kierenkelekne çişü tırışlıqlarınıñ uñışlı bulmawında İran bügen Amerika Quşma Ştatların ğayepläde. İran kiçä Moqtada As-Sadr häm Amerikan wäkilläre belän oçraşıp söyläşülär uzdırır öçen üz diplomatların cibärgän ide. İrannıñ tışqı eşlär ministrlığı wäkile Hamid Reza Asefi, Waşingtonnıñ "qatı qul" säyäsäte wazğiätne qatlawlandıra, dip belderde. İminlek tieşle däräcädä tä'min itelmägäne säbäple İran diplomatları As-Sadr häm ayatolla Ali As-Sistani belän dä oçraşa almağan.
Asefi belderüendä – Waşington Ğiraqtağı xakimiätne ğiraqlılarnıñ üzlärenä yäise Berläşkän Millätlär Oyışmasına tapşırğan waqıtqa qadär İran Amerika Quşma Ştatları belän Ğiraq mäs'äläsendä xezmättäşlek itmiäçäk, dielä.
İrandağı başqa xäbärlärgä kilgändä bügen parlament başlığı urınbasarı reformaçıl köçlär wäkile Behzad Nabazi wazifasınnan kitkän. Üz çığışında Nabazi İranda reformalarğa kirtä salğan konservativ sistemağa täñqit belderde.
Fallucada – amerikan ğaskärläre belän şähärdäge Ğiraq suğışçıları arasında başlanğan söyläşülärneñ bilgelängän waqıtı bügen tämamlana.
Ul arada Ğiraqnıñ Süriä belän çiktäş töbägendä Quşma Ştatlarnıñ maxsus köçläre – marinnar häm Ğiraq ğısyançıları arasında bäreleşlär bara. Amerikannar belän bergä yörgän ber jurnalist kiçä Husaybah şähäre yanında 5 amerikan xärbie häm küp sanlı ğıraq suğışçıları hälak buldı, dip xäbär itte.
Kiçä Tähran delegatsiäseneñ Ğiraqtağı kierenkelekne çişü tırışlıqlarınıñ uñışlı bulmawında İran bügen Amerika Quşma Ştatların ğayepläde. İran kiçä Moqtada As-Sadr häm Amerikan wäkilläre belän oçraşıp söyläşülär uzdırır öçen üz diplomatların cibärgän ide. İrannıñ tışqı eşlär ministrlığı wäkile Hamid Reza Asefi, Waşingtonnıñ "qatı qul" säyäsäte wazğiätne qatlawlandıra, dip belderde. İminlek tieşle däräcädä tä'min itelmägäne säbäple İran diplomatları As-Sadr häm ayatolla Ali As-Sistani belän dä oçraşa almağan.
Asefi belderüendä – Waşington Ğiraqtağı xakimiätne ğiraqlılarnıñ üzlärenä yäise Berläşkän Millätlär Oyışmasına tapşırğan waqıtqa qadär İran Amerika Quşma Ştatları belän Ğiraq mäs'äläsendä xezmättäşlek itmiäçäk, dielä.
İrandağı başqa xäbärlärgä kilgändä bügen parlament başlığı urınbasarı reformaçıl köçlär wäkile Behzad Nabazi wazifasınnan kitkän. Üz çığışında Nabazi İranda reformalarğa kirtä salğan konservativ sistemağa täñqit belderde.
