Accessibility links

шимбә, 3 декабрь 2016, Казан вакыты 07:38

Qazanda respublikanıñ iñ yaxşı uqıtuçısın saylıylar


Qazanda bu könnärdä respublikanıñ iñ yaxşı, iñ köçle uqıtuçıları cıyıldı. Tatarstannıñ törle şähär, rayonnarınnan kilgän 56 uqıtuçı inde öçençe kön üzläreneñ ostalığın kürsätä, Yıl uqıtuçısı isemenä layıq bulu öçen ber-berse belän köç sınaşa. Bäygeneñ berençe könendä alar jyuri äğzälären üz-üzläre belän tanıştırdı. Sişämbe könne isä uqıtuçılar Qazannıñ ber mäktäbendä ber tanış bulmağan balalar aldına kerep, yartı säğätlek däres birdelär. Busı da inde älbättä bäyä birüçe qırıs jyuri aldında. Çärşämbe könne bäygeneñ final öleşe uzdı. Anda ütkän 15 keşe 28 aprel’dä master-klasslar birde. Qazannıñ 145 litseyınıñ aktlar zalına cıyılğan xalıq aldında finalistlar üzläreneñ pedagogik ostalıqların kürsättelär, här tamaşaçını üzläreneñ däreslärenä cälep itärgä tırıştılar. Şunlıqtan, älege konkurs ayıruça qızıqlı häm canlı ütte. Şunısın äytergä kiräk, bäygedä qatnaşırğa kilgän 56 uqıtuçı arasında 6 tatar tele uqıtuçısı da bar. Şularnıñ berse – Piträç rayonınnan Larisa İvanova Yıl uqıtuçısı bäygeseneñ finalına da uzdı. Sezgä bu bäygedä uñışqa ireşergä närsä bulıştı digän sorawğa, ul min tuğan telemne, tuğan ilemne bik yaratam, möğayın şul yärdäm itländer, dip cawap birde. Larisa xanımnıñ uñışları, bäygedä kem ciñüe turında bez sezgä kiläse tapşırularda äle xäbär itärbez.

Gölnaz İlgizär

XS
SM
MD
LG