Accessibility links

якшәмбе, 11 декабрь 2016, Казан вакыты 07:16

Udmurtiä tatar yäşläreneñ Qazanda «Yağımlı yaz 2004» tatar studentları festivalendä qatnaşuı uñışlı buldı


Aprel' azağında Qazanda «Yağımlı yaz 2004» tatar studentları festivalendä Udmurtiädän dä ber törkem yäşlär qatnaştı. Alarnı anda «İman» tatar yäşläre berlege räise Zöhrä Kasimova tuplap alıp bardı. Finans çığımnarnı respublikanıñ yäşlär eşe buyınça däwlät komitetı häm milli säyäsät ministrlığı üz cilkäsenä aldı. «Güzäl» tatar xalıq cır häm biü kollektivına yörüçe yäşlärneñ çığışı, Zöhrä Kasimova süzlärençä, iñ uñışlı buldı. Avtomexanika köllätendä uquçı cırçı yeget — İlnaz Fazlıyev ta ike turnı ütep, büläkkä iä bulğan. Süz ostaları bäygesendä qatnaşqan universitetnıñ tarix fakul'tetı studentkası, bik küp şiğerlär avtorı, Landış Ğäynetdinova da jyuri äğzaları tarafınnan yaqlaw tapqan. Zöhrä Kasimova Qazanğa säyäxätlärenä näticä yasap, bolay dide.

—audio—

Tatar sıynıfında uquçılar Qırlayda häm Qazanda ekskursiädä bulıp qayttı.

Şul uq könnärdä Tuqaynıñ tuğan töbägendä, Qazanda tatar sıynıflarında uquçı balalar bulıp qayttı. Tatar gimnaziäse uquçıları Alsu Yuziqayıva, İlfat Xäbirov, Azat Wäliev üzläre öçen bik küp mäğlümatlar tupladıq, tağın da anda barası kilä, Qazan turında tağın da kübräk beläse kilä dip urtaqlaştılar, säyäxättän qaytqaç.

—audio—

İjawda Zakir Şağban «cırlı dönya» dip atalğan tamaşa oyıştırdı.

Udmurtiä wäkilläre genä Tatarstanğa bulmıy, qazanlılar da çittä yäşäwçe millättäşläre belän oçraşıp tora. Ütkän yal könnärendä İjawda Qazannan bör törkem artistlar gastrol'dä bulıp kittelär. Ul «Cırlı dönya» dip isemlängän festival' ide. Anıñ avtorı tanılğan cırçı Zakir Şağban. Bu xaqta ul üze mondıy fikerlären citkerde.

—audio—

Zakir Şağban şuşındıy festival'lärne oyıştırunıñ uñay yaqlarına tuqtalıp, bolay dide.

—audio—

Därestän dä, İjawda bulıp uzğan tamaşada yäş kenä cırçı — olı säxnägä berençe adımnarın yasawçı Alsu Zäynetdinova, inde yäşlär arasında populyar Läysän Ğimayıva, xalıq yaratıp ölgergän El'wira Xäyrullina, Liliä Sibgatova kebek cırçılar häm kompozitor, cırçı Rästäm Särvarov ta bar ide. İrlandiä iyüllären başqaruçılar, älbättä tanılğan mäzäkçe Räşit Şamqay da xalıq küñelenä xuş kilde. Ä inde şuşındıy konsert—tamaşalarnıñ kiläçäge bulırmı, yuqmı digän sorawğa Zakir Şağban bolay cawap birde.

—audio—

Xämidä Ğäyfullina, «Azatlıq» radiosı , Udmurtiä

XS
SM
MD
LG