Accessibility links

чәршәмбе, 7 декабрь 2016, Казан вакыты 11:42

Tatarstannıñ Fännär akademiäsenä yaña äğzälär saylandı


Tatarstannıñ akademikları da bu könnärdä yalnı onıtıp torıp, ütä dä möhim eş belän mäşğül. Çärşämbe könne respublikanıñ Fännär akademiäsendä yaña äğzälärne saylaw uzdı. 15 yıl elek oyıştırılğan Tatarstan Fännär akademiäsendä nigezdä şaqtıy olı yäştäge ğalimnär, alarnıñ urtaça yäşläre 70kä yaqınlaşıp kilä. Alarnıñ olı yäşlären, sälämätlekläreneñ dä bik äybät bulmawın isäpkä alğanda, akademiä äğzäläreneñ eş sıyfatı da yış qına xäzerge kön taläplärenä turı kilmäwe añlaşıla. Şuña da, 9 yün könne uzğan saylawlarnı Fännär akademiäsenä yäşräk, yaña buın ğalimnäre saylanır digän ömet belän köttelär. Bu ömetlär aqlandımı soñ? Aldan şunısın äytergä kiräk, ğalimnärneñ cıyılışı bik ozaq däwam itte. Törle büleklärdä alar irtänge 10-11dän başlap köndezge säğät 3-4kä qädär diärlek kiñäşläştelär. Gumanitar fännär belgeçlege buyınça akademik däräcäsenä Alabuğa pedagogika institutı rektorı Nail Wäliev iä bulğan. Möxbir-äğzä bulıp isä arxeolog Fayaz Xucin saylandı. Pedagogika belgeçlege buyınça da näticälär bik qızıqlı. Andağı saylawlarnıñ üzençälege şunda – anda 6 däğwäçıdan 4 qalğan – Gölnar Xäsänova, Nail Tuqtamışev, Änwär Xuciäxmätov häm Cäwdät Söläymanov. Şular arasınnan bülekçäneñ şurası matematik Cäwdät Söläymanovnı saylarğa täqdim itkän. Ä menä Watan tarixı belgeçlege buyınça akademiklar ozaq kiñäşläşsä dä, ber urtaq fikergä kilä almağannar. Anda saylawlar xätta ike turda ütkän. Anıñ berençesennän Ramil Wäliev töşep qalğan. Ä menä ikençe turğa ütkän Damir İsxaqov häm İskändär Ğiläcevneñ ikeseneñ berse dä kiräkle bulğan öçtän ike öleşneñ tawışın cıya almağan. Şunlıqtan, älegä bu bülektäge vakansiä buş qala. Xäzer anda saylawlar berniçä ay yäki yıl uzğaç qına ütäçäk. 10 yündä Tatarstan Fännär akademiäseneñ ğomumi cıyılışı uzaçaq. Anda inde büleklärdän yaña täqdim itelgän akademiklar räsmi räweştä saylanırğa tieş.

Gölnaz İlgizär

XS
SM
MD
LG