Küptän tügel Bäyäk Tüz awılında Krasnoufim häm Aqbaş awılında Tübän Sırğa rayon sabantuyları bulıp uzdı. Yaqın-tirädäge sabantuylar arasınnan bigräk tä Aqbaş sabantuyı ayırılıp tordı.
Aqbaş awılı talantlarğa bik bay awıl. Biredä may axırında yıl sayın balalar sabantuyı uzdırıla. Malaylar bäläkäydän ük milli köräş serlärenä töşenep üsälär. Şuñadır inde, tirä-yun'däge köräşçelär arasında aqbaşlılarğa tiñnär yuq. Cır-biyugä kilgändä dä, aqbaşlılar çittän kilgän cırçılarnı kötep yatmıylar, üzläre bik osta.
Krasnoufim rayonı sabantuyı waqıtında säxnädä oçıp-oçıp biyuçe ber qız bala iğtibarnı cälep itte. Barlıq xäräkätläre, küz qaraşları, yılmayuı – bar da bii ide qıznıñ, güya, ul biyu belän yäşi. Gölnarağa nibarı un yäş ikän. Natal'insk digän rus poselogında, äbise tärbiäsendä yäşi. İke yäşennän birle säxnädä bii başlağan. Äbise Täbrizä xanım äytüençä, bu bala tuğanda uq biep tuğan axrı. Täbrizä apa Gölnaranı berär biyu kollektivına urnaştırırğa küptän xıyallana. Ämma Natal'inskida andıy urın yuq, başqa cirgä barıp-barıp qarasalar da, qızğa yärdäm itärgä teläweçlär bik kürenmi. Şulay da Gölnaranıñ bäxet yoldızı ber qabınır dip ışanası kilä.
Sabantuylarda şulay yañadan-yaña talantlar tabıla. Ul ğına da tügel, Ural töbägendä xalqıbıznıñ yaratqan bu bäyräme biredäge xalıqnıñ ğöref-ğadätläre belän bayıtılıp, ayırım ber üzençälek belän uza.
Tatarstannıñ Uraldağı daimi wäkile Rawil' Bikbov küptän tügel Kurgan ölkäseneñ Yoldız awılında rayonara zur sabantuyda bulıp qayttı. Älege bäyrämdä Kurgan ölkäseneñ vitse-gubernatorı, Şadrinsk şähäreneñ başlığı, tirä-yun'däge rayonnar xakimiätläre başlıqları qatnaştı.
Bu yaqlardağı sabantuylarnıñ üz ezençälege bar. Sabantuynıñ töp bizäge itep biredä milli köräştän dä bigräk at çabışların sanıylar. Çabışta ciñgän at xucasına büläk itep at qolını birü ğädätkä kergän.
Bu yıl da bäyräm bik küñelle bulıp uzdı. Tatarstannıñ Uraldağı daimi wäkile Rawil' Bikbov Yoldız awılında yäşäwçe millättäşlärgä sabantuyğa zur büläk alıp kilgän ide. Ul könne awıl mäktäbenä “TNV” sputnik telekanalı tapşıruların qabul itügä caylanğan sputnik teleantenna quyıldı. Bu şatlıqlı xäbär yoldızlılarnıñ küñelenä xuş kilde.
Süz uñayınnan şunı da äytep ütäse kilä, bötendönya tatar kongressı başqarma komitetı yärdäme belän sputnik teleantenna küptän tügel Kurgan şähäreneñ üzendä, “Tuğan tel” tatar milli cämğiäte urnaşqan üzäkkä dä quyılğan ide. Kurgan tatarları xäzer cıyılışıp Tatarstan tapşıruların qaraw mömkinçelegenä iä buldılar.
Sverdlov ölkäsendä tatar awılların sputnik teleantennalar belän tä'min itü programması däwam itä. “Milli Media-Xolding” citäkçeläre bu könnärdä tağın un tatar awılına “TNV” tapşıruların qaraw mömkinçelegen tudıruçı caylanma quyu buyınça eş alıp baralar. Bu eş ölkäneñ başqa rayonnarında da yañğıraş taptı. Ölkäneñ tönyağında häm könçığışında urnaşqan rayonnarınnan “Milli Media-Xolding” citäkçelärenä alar yäşägän töbäklärdä dä tatar tapşıruların qaraw mömkinçelegen tudıruda yärdäm sorap möräcäğät itkän xatlar kilä başladı.
Fäwiä Safiullina, Yekaterinburg
Aqbaş awılı talantlarğa bik bay awıl. Biredä may axırında yıl sayın balalar sabantuyı uzdırıla. Malaylar bäläkäydän ük milli köräş serlärenä töşenep üsälär. Şuñadır inde, tirä-yun'däge köräşçelär arasında aqbaşlılarğa tiñnär yuq. Cır-biyugä kilgändä dä, aqbaşlılar çittän kilgän cırçılarnı kötep yatmıylar, üzläre bik osta.
Krasnoufim rayonı sabantuyı waqıtında säxnädä oçıp-oçıp biyuçe ber qız bala iğtibarnı cälep itte. Barlıq xäräkätläre, küz qaraşları, yılmayuı – bar da bii ide qıznıñ, güya, ul biyu belän yäşi. Gölnarağa nibarı un yäş ikän. Natal'insk digän rus poselogında, äbise tärbiäsendä yäşi. İke yäşennän birle säxnädä bii başlağan. Äbise Täbrizä xanım äytüençä, bu bala tuğanda uq biep tuğan axrı. Täbrizä apa Gölnaranı berär biyu kollektivına urnaştırırğa küptän xıyallana. Ämma Natal'inskida andıy urın yuq, başqa cirgä barıp-barıp qarasalar da, qızğa yärdäm itärgä teläweçlär bik kürenmi. Şulay da Gölnaranıñ bäxet yoldızı ber qabınır dip ışanası kilä.
Sabantuylarda şulay yañadan-yaña talantlar tabıla. Ul ğına da tügel, Ural töbägendä xalqıbıznıñ yaratqan bu bäyräme biredäge xalıqnıñ ğöref-ğadätläre belän bayıtılıp, ayırım ber üzençälek belän uza.
Tatarstannıñ Uraldağı daimi wäkile Rawil' Bikbov küptän tügel Kurgan ölkäseneñ Yoldız awılında rayonara zur sabantuyda bulıp qayttı. Älege bäyrämdä Kurgan ölkäseneñ vitse-gubernatorı, Şadrinsk şähäreneñ başlığı, tirä-yun'däge rayonnar xakimiätläre başlıqları qatnaştı.
Bu yaqlardağı sabantuylarnıñ üz ezençälege bar. Sabantuynıñ töp bizäge itep biredä milli köräştän dä bigräk at çabışların sanıylar. Çabışta ciñgän at xucasına büläk itep at qolını birü ğädätkä kergän.
Bu yıl da bäyräm bik küñelle bulıp uzdı. Tatarstannıñ Uraldağı daimi wäkile Rawil' Bikbov Yoldız awılında yäşäwçe millättäşlärgä sabantuyğa zur büläk alıp kilgän ide. Ul könne awıl mäktäbenä “TNV” sputnik telekanalı tapşıruların qabul itügä caylanğan sputnik teleantenna quyıldı. Bu şatlıqlı xäbär yoldızlılarnıñ küñelenä xuş kilde.
Süz uñayınnan şunı da äytep ütäse kilä, bötendönya tatar kongressı başqarma komitetı yärdäme belän sputnik teleantenna küptän tügel Kurgan şähäreneñ üzendä, “Tuğan tel” tatar milli cämğiäte urnaşqan üzäkkä dä quyılğan ide. Kurgan tatarları xäzer cıyılışıp Tatarstan tapşıruların qaraw mömkinçelegenä iä buldılar.
Sverdlov ölkäsendä tatar awılların sputnik teleantennalar belän tä'min itü programması däwam itä. “Milli Media-Xolding” citäkçeläre bu könnärdä tağın un tatar awılına “TNV” tapşıruların qaraw mömkinçelegen tudıruçı caylanma quyu buyınça eş alıp baralar. Bu eş ölkäneñ başqa rayonnarında da yañğıraş taptı. Ölkäneñ tönyağında häm könçığışında urnaşqan rayonnarınnan “Milli Media-Xolding” citäkçelärenä alar yäşägän töbäklärdä dä tatar tapşıruların qaraw mömkinçelegen tudıruda yärdäm sorap möräcäğät itkän xatlar kilä başladı.
Fäwiä Safiullina, Yekaterinburg
