Accessibility links

шимбә, 10 декабрь 2016, Казан вакыты 23:40

Ğayaz İsxaqi äsärenä nigezlängän "Zöläyxa" filmı çıqtı


1 dikäber könne Ğayaz İsxaqinıñ “Zöläyxa” äsärenä nigezlänep eşlängän film äzer bulu säbäple, anıñ icat törkeme jurnalistlar belän Tatarstannıñ Qazan şähärendä urnaşqan kinostudiä zalında press- konferensiä uzdırdı.Bu fil''m “Ramay” studiäsendä töşerelgän. Televidenie aşa kürsätelgän “Upqın” dip atalğan fil''mnı da şuşı studiä töşergän bulğan ikän. “Ansı eçke eşlär ministrlığı zakazı buyınça narkomannar turında ide”,- dide bu studiäneñ dramaturğı Mansur Ğıläcev. “Zöläyxa” k/filmınıñ rejisserı Rämil Töxvätullin.Bügenge köndä sezne uzğan ğasırda yazılğan äsärgä äylänep qaytırğa närsä etärde digän sorawğa, Rämil Töxvätullin menä närsä dide: “Üzebezneñ tarixıbızğa qağılğan , xalqıbıznıñ faciğäsenä qağılğan tematikanı kino aşa çığaru bik kiräk , ikençe yaqtan kilgändä Qazanıbıznıñ 1000 yıllığı yäqınayıp kilä”,- dide ul. Şulay uq press- konferensiädä fil''mda töp rol''lärne başqarğan artistlar da qatnaştı. Zöläyxa rolen başqarğan - İlsiä Töxvätullina, Sälimcan rolen uynağan Ğafur Kayumov, Soldat rolendä - Äzhär Şakirovlar da kinoğa töşkändä üzläreneñ kiçergän toyğıların söylädelär. Mansur Ğıyläcev äytüençä, “ fil''mda kütärelgän problemalar soñğı yıllarda bar xalıqlarnı da qızıqsındıra. Çönki bügenge ike törle dindäge xalıqlarnıñ kürşelärçä yäşäwläre küp xalıqlar öçen -bu problema di ul. Ä Tatarstan cirlegendäge islam dinen totqan möselman xalıqları, pravoslav dinen totqan rus xalıqlarınıñ arasında yäşäwe bigräk tä Tatarstannıñ cirlegendä bu unikal'' xäl. Ä tatar telendä bu fil''mnarnı çığaru, bu inde tatar xalqınıñ mädäniäte, uzğan tarixı, ğöref-ğadätläre belän xalıqnıñ ruxi dönyasın böten dönyağa kürsätü niäte tora”di ul. . Ğ.İsxaqinıñ “Zöläyxa” romanına nigezlängän kinofil''m 27 dekaberdä Ğ.Kamal teatrında kürsäteläçäk.

Mälikä Basıyr Qazan.

XS
SM
MD
LG