Accessibility links

шимбә, 3 декабрь 2016, Казан вакыты 01:32

Rusiä töbäk citäkçelären üzäktän bilgeläw qanunın Federatsiä Şurası da rasladı


Rusiäneñ Federatsiä Şurası bügen töbäk citäkçelären xalıq tarafınnan saylawlarnı beterep, alarnı yañaça bilgeläw turındağı qanunnı rasladı. Xäzer anı prezident Vladimir Putin imzalıysı ğına qaldı. Putin täqdim itkän bu qanunğa kürä xäzer här töbäk citäkeçesen Rusiä prezidentı täqdim itäçäk, cirle parlamentlar isä bu keşene raslarğa tieş bulaçaq. Cirle parlament Kreml täqdimen 3 tapqır kire qaqqan oçraqta, Rusiä prezidentınıñ bu parlamntnı taratu xoquqı bar. Belgeçlär bu qanunnı demokratiädän çigenü dip tänqitli.

Federatsiä Şurası şulay uq säyäsi partiälär öçen terkälü şartların qırıslatqan qanun qabul itte. Elek terkälü öçen 10 meñ äğza citkän bulsa, xäzer 50 meñ kiräk bulaçaq. Partiäneñ här cirle bülekçäsendä kimendä 250 keşe bulırğa tieş. Bu qanun yaña partiälärneñ terkälü mömkinlegen çikläyäçäk dip kötelä.

XS
SM
MD
LG