Accessibility links

пәнҗешәмбе, 8 декабрь 2016, Казан вакыты 03:17

Ukraina Yuğarı mäxkämäse premier-ministr Viktor Yanukoviç şiqäyätlären kire qaqtı


Ukrainanıñ Yuğarı mäxkämäse, premier-ministr Viktor Yanukoviçnıñ, saylaw näticälären köçtän çığaru maqsatı belän birgän 4 şiqäyäten dä kire qaqtı. Räsmi näticälär bastırıp çığarılğannan soñ ul mäxkämäläşüen däwam itä ala.

Ul arada oppozitsiä citäkçese Viktor Yuçenko, prezident bulğannan soñ, premier-ministr wazifasın Yulia Timoşenkoğa täqdim iter digän xäbärlär bar. Yuçenkonıñ süzçese İrina Geraçenko, älegä bu xaqta qarar qabul itelmägän, dide. Çärşämbedä Timoşenko Ukrainada bulaçaq yaña säyäsi tärtip turında bularnı äytte:

Audio (Yulia Timoşenko): "Bez xakimiätkä kilgäç oppozitsiä Kuçma çorında şikelle törmädä yä sörgendä utırmayaçaq, Gongadze şikelle başları kiselmiäçäk. Jurnalistlar öylärendä qıynalmayaçaq. Çönki bez başqa yöräk häm başqa aqıl belän kiläbez. Sez monı kürersez häm añlarsız."

Yuçenko, xakimiätkä kilgäç, Yevropa Berlege häm Rusiä belän xezmättäşlekne köçäytergä wäğdä itte.

XS
SM
MD
LG