BMO general sekretareneñ maxsus wäkile Margareta Wahlstrom, Tailanda uzğan cıyın waqıtında könyaq-könçığış Aziädä tsunaminı kisätü üzäkläre ber genä ildä bulmayaçaq, dip belderde.
Mondıy üzäklärne üzlärendä buldıru turındağı täqdimnärne Tailand, Hindstan häm İndoneziä äzerlägän bulğan. Alarnıñ eşe – mäğlümat cıyu häm tsunaminı aldan kisätü bulaçaq. Tailandnıñ tabiği qazalarğa äzerlek üzäge başlığı Suvit Yudami, - töbäkara berdäm üzäkkä üz östenä bik zur cawaplılıq alırğa kiräk bulaçaq, dip belderde:
"Ber üzäk buldıru – kübräk eş başqaru häm iñ berençe çiratta üz östeñä iñ küp cawaplılıq alunı añlata" dide Tailand wäkile.
Tailand älege üzäkneñ başfatirı bulırğa telägän ide häm proyektqa 10 million dollar totırğa äzer bulğanın belderde.
Ämma başqa illär moña qarşı çıqtı.
26 dikaber könne bulğan tsunamida 280 meñgä yaqın keşe hälak bulğan ide.
