Accessibility links

дүшәмбе, 5 декабрь 2016, Казан вакыты 07:41

Mäskäwdä tatar spektakle


Mäskäwneñ milli mädäni üzäge könnän kön üzeneñ milli üzäk digän isemen aqlıy bara. 27 fevral` könne Mäskäwneñ tatar teatrın yaratuçılar öçen Diläfruz xanım Xayrullina citäkçelegendäge üzeşçännär, Tufan Miñnullinnıñ «Ayırılabız xuş inde» dip atalğan säxnä äsären kürsätte. Milli üzäktä çaralar soñğı waqıtta yış ütkärelügä qaramastan. Ul könne kebek cıyılğan xalıqnıñ äle milli üzäktä bulğanı yuq ide. Teatr tele belän äytkändä, çınlap ta anşlag ide bu spektakl'dä. Älbättä, milli üzäkneñ tamaşa zalı zur tügel. 300 keşe genä sıydırışlı, läkin tamaşaçınıñ säxnä äsären añlap, qızıqlı urınnarında qul çabıp kölep utıruları, biredä teatr söyüçelär cıyılğan digän fiker qaldıra. Mäskäwdä Diläfruz xanım citäkçelegendäge üzeşçän tatar teatrı 15 –16 yıl elek tamaşalar kürsätä başlağan ide inde. Häm anıñ üz tamaşaçısı bar. Mäskäwdä iğlannarğa qarap yörmi xalıq, alarnıñ barısına da telefonnan äytep, añlatıp çaqırrığa kiräk. Küpçelek waqıtta bu xäl. älbättä oyıştıruçılarğa zur mäşäqätlär yasıy. Tik Diläfruz xanım şundıy mäşäqätlärne ciñep çığar öçen yaratılğandır küräseñ. Ul äle zurlar öçen genä säxnä äsärläre quyıp qalmıy. Berniçä yıl inde inde Diläfrüz xanım citäkçelegendä balalar öçen dä «Renata» dip atalğan teatr studiäse dä eşläp kilä. Mart ayında milli üzäktä şul studiä balalar öçen Tufan Miñnullinnıñ “Awıl ete Aqbay” dip atalğan spektaklen kürsätäçäk. Ä inde teatrnıñ repertuarına kilgändä, biredä Ğaliäbanu, Berençe teatr kebek klassik äsärlärdän başqa, bügenge avtorlarnıñ äsärläre dä quyıla. Fänis Yärullin , Tufan Miñnullin äsärlären xalıq yaratıp qarıy.. Äytkänemçä, 27 fevral könne tamaşaçı Tufan Miñnullinnıñ “Ayırılabız xuş inde” säxnä äsären qaradı häm oçraşudan bik qänäğät qaldı.

“Azatlıq” radiosı öçen Mäskäwdän Näzifä Kärimova.

XS
SM
MD
LG