Accessibility links

чәршәмбе, 7 декабрь 2016, Казан вакыты 19:24

Qol Şärif muzeylı mäçet bulaçaq


Äbi patşanıñ Qırım xanlığın yuqqa çığaru turındağı qararında ber qızıq cömlä bar. Qırım tatarlarınıñ arxitektura, tarixi urınnarnı saqlarğa, dielä anda. Häm çınlap ta, sovet çorına qädär, qırım tatarlarınıñ küp kenä tarixi yadqärläre yuğalmıy saqlana. Ä menä qanlı köräş belän Qazannı basıp alğan Yawız İvan ğäskäre isä, tatar şähären tamırı belän qorıta. Läkin, tarixi döreslek irtäme, soñmı torğızıla dilär bit. Bügenge Qazannıñ kendegendä, Qazan Kirmäne urtasında Qol Şärif mäçete yañadan ayaqqa bastı. Bıyılnıñ 24 yünendä açılaçaq. Läkin, küplärne Qol Şärif mäçetme, ällä muzeymı bulaçaq digän soraw borçıy. Älege mäsälägä Qazan kirmäne muzey tıyulığı fänni xezmätkäre Alsu Möxämmätşina açıqlıq kertä:

Qol Şärif mäçete turında törle süzlär küp buldı. Döres anda muzey da bulaçaq. İslam muzeye. Ul ike öleştän toraçaq. Bersendä İslam dine turında, ikençesendä Tatarlardağı islam tarixı xaqında. Muzeyğa uramnan turıdan-turı da kerep bulaçaq, mäçetneñ eçke yağınnan da. Mäçet üze dä eşläyäçäk. Ğäyet bäyrämnärendä küp xalıq qatnaşında bäyräm namazları uzsa, ğädäti könnärdä dä telägän keşe ğibädät qıla alaçaq. Qol Şärifneñ funksiäläre küp inde ul. Läkin töp funksiäse – Allahqa ğibädät qılu urını.

Räfis Cämdixan

XS
SM
MD
LG