Accessibility links

якшәмбе, 11 декабрь 2016, Казан вакыты 09:14

Peterburda Tuqay kiçäse uzdı


Yäkşämbe könne milli-mädäni möxtäriät binasında Tuqay kiçäse uzdı. Kiçä “Böyek xalıqnıñ böyek şağire” dip atala ide. Başta tatar tele uqıtuçısı Rail Xisayıv tıñlawçılarnı Ğabdulla Tuqaynıñ tormış häm icat yulı belän tanıştırdı. Annan “Nur” gäziteneñ elekke baş möxärrire Älfinur xanım Ğafurova şağirneñ Peterburğa kilüe, anıñ şähärebezdä ütkärgän 13 köne turında söyläde. Ülärenä ber yıl qalğaç, şul uq april ayında Musa Bigiev çaqıruı belän Tuqay Peterburğa kilä. Çaqıruçılar planı buyınça berençedän Tuqayğa yaña gäzit çığara başlawnı yöklämäkçe bulalar, ikençedän, şağirne däwalanırğa cibärergä planlaştırılğan. Aqçasın Peterburg cämäğätçelege inde cıyğan bula. Tik bu plannarnıñ berse dä tormışqa aşmıy. Şağirneñ sälamätlege naçar bulu säbäple, bernärsägä dä küñele üsmi, xätta ädäbiät söyüçelär belän dä oçraşırğa bik teläp barmıy.

Şağir xalıqnı yöz yıllap elek uyanırğa öndäsä dä, haman bulsa uyana almıybız – kiçädä keşe bik az ide. Az bulsalar da şiğri canlılar ikän: qayberläre, Tuqaydan ilham alıptır, kiçä axırına üz ekspromtların da icat itep ölgerdelär. Kiçädä, küp bulmasalar da, balalarnıñ qatnaşuı beraz ömet uyata.

Gölzadä Kamalova, Peterbur

XS
SM
MD
LG