Accessibility links

якшәмбе, 4 декабрь 2016, Казан вакыты 01:02

Yekaterinburda tatar balaları sınatmadı


Küptän tügel Yekaterinburg şähärendä Sverdlov ölkäse qullanuçılar berlege oyışmasına qarağan predpriätielär arasında Böyek Ciñüneñ 60 yıllığına bağışlanğan smotr-konkurs bulıp uzdı. Biredä çığış yasawçı küpsanlı üzeşçän kollektivlar arasında Ärtä rayonı Äceğol awılınnan “Kübäläk” balalar fol'klor ansamble dä bar ide. Äytergä kiräk, “kübäläklär” olı apa-abıyların bar yaqtan da uzdırıp cibärdelär. Biredä qatnaşuçı berdänber tatar kollektivı bularaq, saf tatar telendä çığış yasasalar da, alarnıñ çığışı zalda utıruçılarnıñ därräw alqışların ayulap aldı. Jyuri da alarnıñ çığışın bik yuğarı bäyäläde. Konkursnı oyıştıruçılar balalar çığışın Sverdlov ölkäse xalıqlarınıñ milli bizäge çağılışı dip atadılar. Ansambl'dä qatnaşqan balalarnıñ härbersenä ayırım büläk tapşırıldı.

“Kübäläk” ansamble citäkçese Ğailä xanım Zäynullina bügenge köndä tarixi watanıbız başqalası Qazannıñ meñyıllığına bağışlap yaña programma äzerläwlären äytep ütte.

Fäwiä Safiullina Yekaterinburg

XS
SM
MD
LG