Accessibility links

сишәмбе, 6 декабрь 2016, Казан вакыты 04:02

Alekseyeva: Bezneñ xoquqlarnı qısalar


Çärşämbe könne Rusiäneñ Konstitusiä Mäxkämäse Tömän keşese Vladimir Grişkeviçnıñ, töbäk başlıqların saylamıyça bilgeläp quyu – konstitusiägä qarşı kilä digän şikäyäten qabul itte. Konstitusiä Mäxkämäsenä qadär Grişkeviç Tömän ölkä dumasınıñ Sergei Sobyaninnı gubernator itep bilgeläwenä şikäyäten ölkä mäxkämäsenä tapşırğan ide. Säyäsi firqalärneñ gubernatorlarnı bilgeläw – konstitusiägä qarşı kilä, dip küpme belderüenä qaramastan – kiçä Konstitusiä Mäxkämäsenä bu xaqta äle berençe tapqır möräcäğät itelde. Bügen Qazanda keşe xoquqları wäkilläre cıyınında qatnaşqan Mäskäw Helsinki törkeme başlığı Lyudmula Alekseyeva bu xaqta jurnalistlarğa, bu keşe xoquqların qısu bulıp tora, dip belderde. "...bez üzebez tügel, gubernatorlar öçen deputatlar tawış biräçäk, häm prezident telägenä qarşı çıqsa, alarnı quıp tarataçaqlar, bolar bezneñ xoquqlarnı qısu bulıp tora," dide Alekseyeva. Qazanda açılğan ike könlek xalıqara konferensiä turında tulıraq mäğlümat - Tatarstan xäbärlärendä.

XS
SM
MD
LG