Accessibility links

якшәмбе, 4 декабрь 2016, Казан вакыты 01:00

Qazannı saqlawçılarına häykäl bulırmı?


Pänceşämbe könne “Azatlıq” radiosınıñ Qazan byurosına xat kilde. Milli xäräkät veteranı, Bötentatar ictimaği üzägeneñ ber qanatı räise Yunıs Kamaletdinov imzalağan älege xat tatarnıñ tarixı häm bügengese belän bäyle. Tatarnıñ faciğäle 1552 yılınıñ qorbannarına Qazanda häykäl quyunı cämäğätçelek inde niçä yıllar tüzemsezlek belän kötä. Xakimiät ömetländerä tora, xalıq ışana, ämma Qazannı, tatarnı saqlawçılarına häykäl haman da yuq.
Altı yıl elek bu eş urınınnan quzğalğan kebek ide. Ministrlar Kabinetı häm şähär başlığı häykälne tözü öçen waqif oyıştırırğa häm häykälne 2002 yılda quyarğa wäğdä itkän bulğan. Ämma bıyıl da qanlı ğasır, qaharman babalarıbıznıñ ruxına häykäl quyıluı bik şikle. Çönki şähär başlığınnan Bötentatar ictimaği üzägenä may, iyün aylarında kilgän cawap xatlarında bolay dip yazılğan. “Häykälneñ tözeleşe häm açıluı Qazan üzeneñ meñ yıllığın bäyräm itkändä - avgust ayına qaralğan”. İctimaği üzäk citäkçeläre äytüençä, bu häykälne tözü öçen az digändä yartı yıl waqıt kiräk. Bäyräm tantanalarına ike aydan azraq waqıt qalıp barsa da, häykälneñ äle tögäl proyektı da yuq, finans mäs’äläse dä xäl itelmägän. Bötentatar ictimaği üzägeneñ ber qanatı räise Yunıs Kamaletdinov fikerençä, Qazannıñ meñellığında da häykäl quyılmayaçaq. Häm kiläçäktä ul xakimiät tarafınnan quyılmasa, cämäğätçelek, ictimaği oyışmalar bu eşne üz östenä alaçaq, dip belderde milli xäräkät veteranı.
Xakimiät tarixi häykälne salırğa mömkinçelek tapmasa da, xalıqnıñ mänfäğät'lären isäpkä almıyça ikona häm bik qimmätle çirkäw salu öçen aqçalar häm waqıt qaydandır taba. Xätta tatarnı köçläp çuqındırğan, xalıqnı, anıñ mäçetlären, din ähellären, ğomumän barlıq zıyalıların yuqqa çığarırğa tırışqan Petr Berençegä dä Qazanda häykäl quyarğa cıyınalar. Qazan xakimiäteneñ mondıy ğämälläre xalıqara nizağ, respublika xalqı arasında qatlawlı xällär häm näticälärgä kiterergä mömkin dip sanıy milli xäräkät veteranı Yunıs Kamaletdinov.
Al'bina Zäynulla, Qazan.

XS
SM
MD
LG