Tatarstan prezidentı Rusiä staroverları, yäğni iske xristian dinen totuçılarnıñ üzägenä, alarnıñ baş ataqayı Andrian mitropolitnı kinät kenä ülep kitüe uñayınnan qayğı urtaqlaşıp telegramma cibärde. Rusiädä xristianlıqnıñ iske yünäleşen totuçılar Tatarstanda da şaqtıy. Qazanda ğına da alarnıñ ike çirkäwe eşli. Häm alar pravaslaw dinendägelär, çirkäwenen 16 ğasırda bulğan üzgärtep qoruları arqasında yalğış yuldan kitkännär dip sanıylar. Rusiädä pravaslaw dine genä ösenlek itkändä, iske dindägelär dä, möselmannar kebek ük räncetelgän bulğannar. Kinät kenä ülep kitkän Andrian ataqay, metropolit bulğançı Qazanda eşläde. 2004 yılda ul iske dindägelärneñ baş ataqayı bulıp saylanğan ide.
