Accessibility links

сишәмбе, 6 декабрь 2016, Казан вакыты 05:51

Yäşellär xäräkäteneñ çirattağı qarşılıq çarası


Qazan däwlät universitetınıñ töp binasında yäşellär xäräkäteneñ çirattağı qarşılıq aksiäse ütte. Tatarstanda atom stansiäsen tözü, Qama yılğasında su bieklegen kütärü mäs’äläse respublikada kön üzägendä qala birä. Tatarstan parlamentınıñ ber törkem deputatları kiläse sessiä utırışında bu mäsälägä qarşı çığaçaqların belderüenä qaramastan, qarşılıq aksiäläre däwam itä.

Tatarstannıñ atom-töşkä qarşı xäräkäte häm Qazan däwlät universitetı qarşındağı Tabiğät'ne saqlaw xezmäte universitet binasında distäläp keşe qatnaşında çara uzdırdı. Anda atom stansiäsen tözügä qarşı çığırğa öndämälär elengän ide. Monnan tış, çarada qatnaşuçılar, universitet binasına kergän keşelär belän bu xaqta añlatma da alıp bardılar.

Menä çarada qatnaşuçı tağın berniçä student fikere:

“Min qarşı, minem uylawımça bu bezneñ ekologiägä häm sälämätlekkä zıyan sala”

Miña qalsa, monıñ faydasına qarağanda, zıyanı kübräk bulaçaq. Ägär berär ğädättän tış xäl kilep çıqsa, ul Tatarstanğa häm Tatarstan territoriäsenä urnaşqan barlıq keşelärgä dä bik küp zıyan kiteräçäk. Çönki bar närsäne dä unikal' itep tözep bulmıy”.

Monnan tış, älege çaranı oyıştıruçı oyışmalar, Yäşlär Atom stansiäsenä häm Qama yılğasında su bieklegen kütärergä qarşı digän älege çara qısalarında, Rusiä,Tatarstan häm Başqortstan Prezidentlarına möräcäğät yazğannar. Aña imza cıydılar. Älege möräcäğättä dä, atom stansiäsen Tatarstanda, şulay uq Başqortstanda tözüne buldırmaw turında süz bara.

Gölnaz Şäyxetdinova

XS
SM
MD
LG