Accessibility links

якшәмбе, 11 декабрь 2016, Казан вакыты 16:53

Tömän muzeenda tatarlarğa bağışlanğan kürgäzmäne meñ yarım keşe qaradı


Ölkäneñ kraynı öyränü muzee mödire Daniä İslamova äytüençä, seberdä yäşäwçe tatarlarnıñ tarixı, ütkäne, bügengese başqa millät keşelärendä dä zur qızıqsınu uyatqan. Häm başqa kürgäzmälär belän çağıştırğanda kübräk keşe qarağan.

“Buınnarnıñ çuar çeltäre aşa” dip atalğan kürgäzmä iyül urtasınnan birle eşläde. Tatarstan başqalasınıñ 1000 yıllıq bäyräme uñayınnan açılğan ide ul. 16 nçı oktäber könne bulğan tantanalı yabu çarasında tatar cämäğätçelege, kürgäzmä geroyları qatnaştı. Radiosport buyınça Dönya çempionı Ziätdin Nizamov häm yäşlegen Tömän ölkäse neften çığaruğa bağışlağan Rusiäneñ atqazanğan geologı Qadim Xanovnıñ tuğan-tumaçaları alarnı zur şäxes bularaq üzläre öçen tağın ber märtäbä açqannar. “Uramda bala-çağağa qädär bez sezne muzeyda kürdek”,- dip äytälär ikän.

Kürgäzmäne qarawçılar eksponatlar arasında ğasırlıq qına tügel, ä meñ yıllıq ğömer kiçkännäre belän dä tanıştılar. Möxämmäd päyğämbärneñ çäç börtege änä şundıylarnıñ berse. Ä tatar öyendäge qayber äyberlär kiçäge kön.

“Bu bişek bezdä dä bar ide. Babay anıñ prujinasın tözätte. 7 yıl elek wafat bulğan äbiemneñ palas tuqıp utırğanın xäzer dä xäterlim. Ä menä mondıy samawırnı bez ırğıtmadıq. Böten tuğan-tumaça cıyılğanda çäy eçäbez. Anıñ ise! Anıñ çäye bigräk tä tämle”,-dip söyli muzeynı qararğa kilgän 20 yäşlek Yılena Potapova üzeneñ dus yegetenä. Kürgäzmäne yabu çarasına, muzey belän tanışıp yörgändä, oçraqlı räweştä kilep kerdelär alar. Ä menä veteran uqıtuçı Xälimä apa Urazova bu çarağa qunaq bularaq çaqırılğan ide.

-Bu dini kitap. İyün ayında çıqqanına 100 yıl buldı . Bu kitapnı qaldırğan äbiem. Aña kem qaldırğan bulır belmim. Äbiem birgän inde minem äti-äniemä. Ul abıyımda ide. Min anı aldım. Uqırğa miña birde. Xäzer inde tapşırdım anı muzeyğa.

“Buınnarnıñ çuar bäyläme aşa” dip atalğan kürgäzmäne yabu waqıtında fol'klorçı Älminur Patrşina “Zölxäbirä bäyeten” cırlap kürsätte. Kürgäzmäne oyıştıruda yärdäm itkännärgä räxmät xatları tapşırdılar. Uraza totmawçılar milli rizıqlar belän çäy eçte, ä totuçılarğa öçpoçmaq, balıq bäleşe, bawırsaq, qoş tellären törep birdelär. Muzey mödire Daniä İslamova:” Alla birsä, tağın ber yıldan soñ oçraşırbız äle”,- dip äytte.

Yesli govorit' ob etoy etnografiçeskoy sibirsqoy derewni, to mı reşili naçat' s tyurkskix narodov. Mı naibolee podgotovlenı k etomu. Yest' aktivnost' so storonı sotrudnikov naşeğo muzeya. Rişat Raximov oçen' bol'şoy aktivnost' proyavlyaet. Eto toje dan' i uvajenie qorennomu narodu- sibirskim tataram, projivayuşçix v etom krae.

Tömän ölkäse xökemäte turizmnı kiñäytü öçen maxsus programma qabul itte. Anıñ eçendä seber awılı tözü dä qaralğan. Bu awıl İnderäy küle buyına urnaşaçaq. Awılda könçığış slavyan, tön'yak häm törki xalıqlarnıñ öyläre qorılaçaq. İñ başta cirle xalıq bularaq tatar yortı salınaçaq.

Nail Alan. Tömän.

XS
SM
MD
LG