Tatarstanda gäzit-jurnallarğa yazılu kompaniäse däwam itä. Moña qädär gäzit-jurnallarga yazılğan uquçılar, 1nçe ğinwardan inde yaña yıl sannarın ala başlayaçaqlar. Gäzit uquçıları kimi barğan bu zamanda, torğan sayın yaña gäzitlär çığa bara. Mäskäw gäzitläre dä, töbäklärgä kilep, uquçılar öçen köräşä. Bu könnärdä Qazanda «Kommersant» kebek ere näşriät yörtı 15 yıllıq yubileyın bilgeläp ütä. Şul isäptän Tatarstanda da oçraşular uza. Federal gäzitlär kebek uq, «Kommersant» basması da, cirle uquçılarğa yaqınayırğa teläp, berniçä biten, Tatarstandağı xäbärlärgä birä. , ber atuda ike quyanğa tiderä. Uquçı Mäskäw gäziten dä uqıy, üze yäşägän töbäge turında da belä. Gäzitlärne yazdıru kompaniäse barğanda da, Mäskäw gäzitläre şunıñ belän aldıra da. «Kommersant» näşriät yortı citäkçe Vladislav Borodullin bu könnärdä Qazanda buldı, Tatarstan prezidentnı belän oçraştı. Oçraşuda ul, xäzer «Kommersant» gäzite Mäskäwdä tügel, ä kübesençä, Russiä töbäklärendä tarala, dip beldergän. Anıñ süzlärençä, xäzer gäzit çığaru biznesındağı xällär nıq üzgärgän, elek töp açalar, töp säyäsät Mäskäwdä eşlänsä, xäzer xäl kiregä äylände, dide Vladislav Borodullin. «Kommersant» gäziten çığaruçı şul isemdäge näşriät, Qazanğa berençe bittä basılğan iñ yaxşı räsemnär kürgäzmäsen dä alıp kilgän. Bu çaralar, waqiğalar, «Kommersant» gäzitenä iğtibarnı cälep itte. Barlıq gäzitlär diärlek, bu xäbärne bastırdı. Ämma, Mäskäw gäzitläreneñ monda ütep kerep, nıqlap urnaşıp qaluın, respublika gäzitläre bik quanıp qabul itmi. Mäsälän, respublika küläm taraluçı «Watanım Tatarstan» gäzite baş möxärrire Minnazim Säfärov, Mäskäw gäzitläreneñ kilüen, yawlap alu dip atıy. Mäskäw gäzitläre dä, respublika küläm gäzitlär dä, yaña barlıqqa kilä başlağan xosusi basmalar da, uquqçılar öçen köndäşlek şartlarında eşlärgä mäcbür itälär. Bazar digändä, iñ yaxşı sıyfatlı towar ciñep çığarğa tieş. «Watanım Tatarstan» gäzite baş möxärrire, citdi, köndälek, tulı qanlı gäzitne çığaru öçen zur çığımnar kiräk häm alarnı däwlät kenä kütärä ala, dip sanıy. Äğni bu däwlätneñ üzenä kürä, sotsial funskisäse. Çığımnarnıñ küp öleşen, respublika xakimiätläre, üz östenä ala.
Ä şul uq «Kommersant» näşriät yortınıñı citäkçese, gäzit çığarunı zur aqçalar kiterä torğan biznes, dip atiy. Citdi gäzitlärdän, Qazanda, yazıluçılar aqçasına « Tatarstan yäşläre» , «Vostochniy Ekspress», «Vechernyaa Kazan» gäzitlären atap bula. Çallıda däwlättän bäysez eşli torğn şähär gäzitläre bar. Alar çığımnarın üzläre qaplyı, şuña kürä, süz irege mäs’äläsendä, açqa birüçegä bäyle tügel. «Kommersant» näşriät yört citäkçeneneñ, zur aqçalar kiterä torğan bizness bu, digän süzlären istä totıp küräseñ, xosusı gäzitlär açırğa teläwçelär könnän-kön arta. Yartı yıl sayın, isemlekkä 10-15 yaña gäzit quşılıp bara. Mäsälän, 2006 yılnıñ 1nçe yartı yıllığına 11 ale yaña ğına çığa başlağan gäzit isemen taptıq. Mäsälän, İñ şäp gäzit, Yoldızlar yañğırı, Maturım, Kiñäş, Faydalı kiñäşlär, Sälämätlek, Par alma gäziteneñ berniçä törlese, Tärbil, Xuca häm Xusabıkä, Yäşel Eşläpä, Xatın-qızlar aptıramağız, häm başqalar. Annan arı, terkälmiçä çığa torğan basmalar da bar, «Bars –Media» gäziteneñ çığar başladıı. Ul «Käyef niçek», dip atala. Salavatnıñ da üz gäzite barlıqqa kilde «Salavat süze» digän isem astında çığa ul. Gäzit, şul uq yünäleştäge başqa basmalardan, yuğarı sıyfatlı kägäzdä basıluı belän dä ayırılıp tora.
Tatar gäzitennän uñışllı biznessnı oyıştırğan älegä 2 keşe bilgele, berse Yuldaş gäzite baş möxärrire Ränis Gaziov , ikençese – Aqçarlaqnıñ atnalığı citäkçese Gäbdelfät Safin. Qalğan distälägän tatar gäzitläreneñ kiläçäk yazmışı, citäkçelärneñ bazar şartlarında eşli aluına bäyle bulaçaq.
