Accessibility links

шимбә, 10 декабрь 2016, Казан вакыты 15:46

Dönya bäyrämnär şawqımında yäşi...Yaqınnarığıznı nindi büläklär belän söyenderergä dip baş watasızmı?





Närsä büläk itergä? Awır soraw...isän keşegä bäyrämnär yıl sayın kilep tora, büläklärne saylaw mömkinlege yıldan yıl arta, anıñ qarawı – bu eş ber dä ciñeläymi.... Närsä soñ ul büläk? Berençe çiratta büläk ul – çın küñeldän, keşene uylap saylanğan ber äyber. Anıñ küpme torğanı da, qaysı kibettän alınğanı da ul qadär möhim bulmasqa tieş. İñ möhime – keşegä iğtibar - büläkne saylağanda çınnan da keşegä närsä kileşkäne, anıñ närsä yaratqanı, nindi isle may sipkäne, nindi töstä kiem kigäne, närsä aşarğa-eçärgä yaratqanı turında uylaw ul minemçä – iñ möhime.

Kemgä büläk saylaw ciñel?

Berär qızıq şöğele bulğan keşelärgä – şul şöğellärenä yaraqlı teläsä ni alıp bula, näq telägänenä ireşäçäksez. Aşarğa peşerergä yaratuçılar – kuxnya öçen yaña çıqqan här waq-töyäkkä dä söyenäçäk, göllär üsterüçelär – yaña orlıqqa şatlanaçaq, baqçada qazınırğa yaratqannarğa – köräk sabı da şäp büläk bula ala. Ä menä – miña inde ber ni dä kiräkmi dip toruçı äniegezgä, böten dönyanı satıp alırğa aqçası bulğan iptäşegezgä närsä büläk itergä? Yevropada bıyıl törle macaralar, qabatlanmas xällär büläk itü modada. Monda inde sez närsä büläk itkänne üzegez dä añlap betermäskä mömkin. Çexiädä yal könnärenä ilneñ könyağında şäräp vannaları belän sixät programmaların büläk itep bula. Şulay uq oçqıçtan sikerü, tawlarda cikkän etlär belän säyäxät qılu häm xattä..... ber kön çüp taşuçı bulıp eşläp alunı da büläk itep bula......Boları xalıq arasında ni qadär kötep alınadır, äytüe qıyın, ämma törle massazhlarğa vauçer, restoranğa çaqıru, kibetlärgä sertifikatlarnı xalıq monda inde küptän yarata. Eş urınnarında isä xucalarınnan xezmätkärlär büläkkä äyber tügel, ä iñ küp aqça kötä. xäzer bez bu söyläşüne Nail Alan belän bergä qazan uramnarında däwam itäbez.

Belgeçlär bu könnärdä arıp betep nervalarnı tuzdırıp büläk dip çapmasqa, ä bulğanına riza bulıp kübräk waqıtnı öydä ğailä, balalar belän ütkärergä kiñäş itä. Tämle itep aşarğa peşerergä, öyne bizärgä, kürşeñ belän utırıp çäy eçep nihäyät xällären belergä – yıl buyına waqıt citmägän eşlärgä waqıt tabu – ul da çın büläk bulırğa mömkin!!

XS
SM
MD
LG