“Казан шәһәренеке кебек опера һәм балет театры төзергә уйлыйбыз”,- дигән сүзне шәһәр мэры ачык итеп үз авызыннан әйтте. “Безгә аның архитектурасы бик ошады”,- диде. Алар инде Марса Аләмдә үзләренең традицион операларын булдырырга телиләр һәм ул булачак. Кызыл диңгез буена урнашкан Марса Аләм башкалардан мәдәни туризм белән аерылып торачак”.
Фәнзилә Җәүһәрова
“Анда шагыйрь-язучыларның, сынчылар һәм рәссамнарның, эстарада һәм фольклор төркемнәрнең, футбол командаларының ярышлары булды, дөяләр чабышы үтте. Төп максат- Марса Аләм киләчәктә нәрсә күрсәтә алуын ачыклау иде”.
Инде билгеле булганча, Мисырның диңгез һәм тарихи сәяхәт ялының үзәкләре булган Каһирә, Шарм Әл-Шәех, Хургада һәм башкалар үз җае белән генә чит илләрдән туристларны җәлеп итүен дәвам итә.
“Провинциянең, шул исәптән губернаторның һәм президент Хөсни Мөбәрәкнең теләге 700 километрда диңгез туризмын киңәйтү, шул исәптән туризмда халыкны эшле итү”,- ди Фәнзилә Җәүһәрова. Бүгенге көндә туризм Мисыр икътисадына иң күп табыш китерә торган юнәлешнең берсе. Гарәпләр Африканың ишеге дип атаган Марса Аләм аша Африканың Суданына таба да сәяхәтчеләр юлы булдырырга тели. Әмма, моңа кадәр булганнардан үзенчәлеклерәкне.
“Мисырда яшәүче халыкларның фольклорын, Мисырның профессиональ сәнгатен күрергә теләүчеләргә мәдәни түризм юнәлешендә эш башлаганнар. Әле ул 4 ай элек кенә башланган. Буп-буш кечкенә генә шәһәрдә, без күреп кайттык, анда бик зур амфитеатрлар эшләгәннәр, ачык кинотеатрлар төзегәннәр. Шунда ук кул осталарының остаханәләре бар. Алар анда бидуиннарның сюжетлы, бизәкле келәмнәрен тукып утыралар”,- ди Фәнзилә Җәүһәрова.
“Кызыл диңгездә сәнгать туа” халыкара сәнгать фестивалендә
Мисырлылар әлеге башлангычларында Татарстан белән дә уртак тел табачакларына ышана. Әлеге фестиваль 7-нче тапкыр үткәрелүенә карамастан, бер тапкыр да чит илләрдән вәкилләр катнашмаган булган. Бер яктан гарәпләрне татар дөньясына дини бергәлек тартса, икенче яктан үзенчәлекле милли сәнгать кызыксындыра.
“Бу фестивальгә “Хуш аваз” ансамбле дә барды. Бу ансамбль ислам дине традицияләрендәге татар халкы җыр сәнгатен күрсәтә. Анда зикерләр, бәетләр, мөнәҗәтләр бар. Бу төркемнең чыгышы халык тарафыннан искиткеч җылы каршы алынды. Алар һәркөнне 4000 кеше сыйдыра торган амфитеатрда зур уңышлар белән чыгыш ясадылар. Гала концертның репетициясен дә халык бер кая китмичә карады. Алдан ук: “Әминә хатын”, Кошлар зикере”н җырласыннар әле”,- дип әйтә башладылар”,- ди Фәнзилә Җәүһәрова.
Аның әйтүенә караганда, әлеге фестивальдә бәйгедән тыш катнашып махсус бүләк алган “Сабантуй” фильмы озакламый гарәп телевидениясендә күрсәтеләчәк. Язманы алып калганнар. Һәм озакламый Татарстанга Марса Аләм башлыгы генерал Нәби Әл үзе дә килергә җыена.