3 май көнне татар халкы мәшһүр драматург, Татарстанның халык язучысы, Татарстан дәүләт шурасы депутаты, Татарстанның һәм Русиянең атказанган сәнгать эшлеклесе Туфан Миңнуллинны соңгы юлга озатты.
Хушлашу мөрәсиме Галиәскәр Камал исемендәге татар дәүләт академия театрында өч сәгатьтән артык барды. Мәрхүм белән хушлашуда гади халык белән бергә түрәләр дә катнашты.
Туфан Миңнуллин Яңа бистә Татар зиратында җирләнде.
Туфан Миңнуллин белән хушлашу
2 майда вафат булган мәшһүр драматург, язучы Туфан Миңнуллин белән хушлашу аның күпсанлы әсәрләре уйналган Камал театрында узды. Халык бергә хушлашырга Татарстан президенты Рөстәм Миңнеханов, Дәүләт шурасы рәисе Фәрит Мөхәммәтшин һәм башка түрәләр дә килде. [Аида Сәйдәш фотолары]
