Тимер юл транспорты эшчәнлегенә дә аяк чала башлады табигать көйсезлекләре. Атнакич көнне кичен Башкортстан белән Чиләбе өлкәсе чигендә бер таудан ишелгән кар юлчылар йөртүче поезд өстенә ишелеп төшкән. “Әшә-Минҗәр” юлында булган бу хәл. Новосибирск-Воронеж юнәлешендә барган поездның алдагы ике вагонына туры килә кар һөҗүме.
Куйбышев тимер юлының Башкортстан идарәсе вәкиле Сергей Спатар әйтүенчә, юлчылар җиңелчә генә яралар ала. Ә поездны йөртүченең берсенең аягы имгәнә һәм ул хастаханәгә озатыла.
“Каза булган урында җомга көнне дистәдән артык поездлар тоткарланды. Алар үз вакытларыннан 5-6 сәгатькә соңлый. Җомга көн киченә тимер юлга ишелеп төшкән кар тазартылып бетәчәк”, - дип ышандырды Сергей Спатар.
Куйбышев тимер юлының Башкортстан идарәсе вәкиле Сергей Спатар әйтүенчә, юлчылар җиңелчә генә яралар ала. Ә поездны йөртүченең берсенең аягы имгәнә һәм ул хастаханәгә озатыла.
“Каза булган урында җомга көнне дистәдән артык поездлар тоткарланды. Алар үз вакытларыннан 5-6 сәгатькә соңлый. Җомга көн киченә тимер юлга ишелеп төшкән кар тазартылып бетәчәк”, - дип ышандырды Сергей Спатар.
