Tähran –İrannıñ könyağındağı Şiraz şähärendä şimbä kiç belän Şiraz mäçetendä bulğan şartlawda İran däwlät mäğlümat çaraları xäbär itüençä kimendä 12 keşe hälaq buldı. İran räsmiläre şartlawnıñ qaza belän çığuı ixtimalı turında belderä. Fars wiläyäte polisiä başlığı Ali Moayri, mäçettäge 1980-1988 İran-Ğiraq suğışı xäteräsenä bağışlanğan kürgäzmädä kürsätelgän suğış qorallarınıñ şartlawğa säbäbçe buluın belderä. Polisiä başlığı şartlawnıñ mäxsus oyıştırıluı ixtimalın kire qağa. Şimbä kiçendä bulğan şartlawda, şulay uq 202 keşe yaralanğan ide.
Xäbärlärgä qarağanda şartlaw waqıtında mäçet imamı şiğiy İran xaqimiäte tarafınnañ tıyılğan waxabi häm bahai tariqatları turında añlatma birä bulğan.
