Тимошенко Ющенко белән беректәшлекне таркатырга мөмкин

Украина премьер-министры Юлия Тимошенко президент Виктор Ющенконы хөкүмәтне көчсезләндерүдә гаепләп коалицияне таркату белән янады.

Кичә Тимошенко яклы депутатлар парламентта Ющенконы мөнбәргә якын җибәрмәү сәбәпле президент еллык юлламасын ишеттерә алмады.

Былтыр Ющенко белән Тимошенко фиркаләре парламент сайлавында җиңеп чыкканнан соң хөкүмәт коалициясе төзегән иде.