--------------------------------------------------------------------------------------------
►Yaña radio efirda “tärtip” urnaştıra
Qazanda eşli başlağan yaña radio “Tärtip-FM” dip atala. 11 yündä Qazan waqıtı belän 19 säğättä berençe awazlar efirğa çıqtı.
“Bu “tärtip” digän süz eçke eşlär ministrlığı küz aldında totqan tärtip turında süz barmıy. Eçke dönyabız, iman dönyabıznıñ tärtibe turında süz bara. Fani dönyanıñ tärtibe turında. Anı oyıştıruçılar şulayraq küz aldına kiterep “tärtip” süze belän atadıq dip äytergä kiräk inde”, di “Tärtip-FM”nıñ muzıka möxärrire Qämil Bikmöxämmätov.
Älege radionı oyıştıruçı häm anıñ isemen uylap tabuçı, şulay uq mödire Marat İblyäminov äytüençä, tatar telendä berniçä efir dulqını eşläwgä qaramastan, küplärneñ ruxıy mänfäğätläre, teläkläre tulısınça qänäğätländerelmi.
--------------------------------------------------------------------------------------------
►Tatarstan Törkiä eşmäkärenä mäxkämä eşen ottırdı
Ertürk Degeregä - uñnan berençe Tatarstan Törkiäneñ eşquarı Ertürk Degeregä mäxkämädä ottırdı. Tatarstan Degerene 1996 yılda birelgän neft öçen 23 million dollar tülämäde dip ğäyeplägän ide.
Şuşı könnärdä, “Kommersant” gazetasında çıqqan mäğlümatlarğa qarağanda, 11 yıl däwam itkän bu eşkä noqta quyılğan. İstambulnıñ kommersia mäxkämäse Tatarstannıñ möräcäğäten qänäğätländermiçä, eşmäkär Ertyürk Degernı ğäyepsez dip tapqan.
Gazeta uquçılar nigä zarlana?
Prezidentsız Tatarstan bulamı?”- bu sorawğa cawapnı “Bezneñ gäcit”neñ 11 yün sanında kürä alasız. Şulay uq, älege gazetanıñ soñğı sanında “Äcälle äcät”, “Wahhabiçılar – kemnär ul?” isemdäge yazmalar da urın alğan.
“Bezneñ gäcit”neñ soñğı sanınıñ ikençe bitendä KDU studentı Ayzat Şäymärdanovnıñ “Xokkeydan tatar “ise” kilä” yazması iğtibarnı cälep itte. Ayzat üze äle yäş qäläm iäse buluğa qaramastan “Bezneñ gäcit”tä häm başqa respublikanıñ tatar telle gazetalarında yaxşı ğına mäqäläläre basılıp kilä. Ä inde bez qarıy torğan yazmasına kilsäk, monda ul “Aq bars” ta tatar uyınçıları az buluına borçıla, Rusiä Xokkey qomandalarındağı tatar uyınçıların sanap çığa. Mäqäläsendä anıñ boz östendäge uyınnarnı küzätep baruı sizelä, bu bigräk tä uyınçılarnıñ niçek uynağannarın häm beraz üzgäreş kertep yaña qomanda tözegän oçraqta niçek uynıyaçaqların farazlawında kürenä. Autor tatar uyınçılarına Zinnätulla Biläletdinov kebek yaxşı tatar trenirı kiräklegen dä äytä.
--------------------------------------------------------------------------------------------
►Bäyrämdä xalıq aqça küp betergän
09 xezmätennän “Sberbank” telefonın sorawçılar artqan.
Döres, bu bäyräm könnäre yulçılarğa xäyran ğına qulaysızlıqlar tudırğan. Autobus häm şähärära elektriçqalar sanı arttırılıp, ğädäti kitü waqıtı üzgärü näticäsendä küplär barası urınnarına soñğa qalğan. 09- berdäm beleşmä xezmäte xäbär itüençä, timer yulçılar da, autovokzaldan da bu üzgäreş alarğa citkerelmägän. Çönki, Qazan xalqınıñ küpçelege 09-ğa möräcäğät itä ikän. Çönki, timer yul vokzalına da, autovokzalğa da bäyräm könnärendä genä tügel, atna urtasında da şaltıratırmın dimä. Säğätlär buyı cıysañ da andağı beleşmä telefonnarı gel mäşğül ikänne kürsätep “pi-pi” dip tora. 09 aşa şähärära transportnıñ kitü waqıtın belü tüläwle- 10 sum tora.
Rusiädäge çirattağı ozın yallarda bu xezmätkä küñel açu urınnarı telefonnarın sorawçılar nıq artqan. “Sberbank” telefonnarı belän qızıqsınu ikençe urında tora ikän. Küräseñ, xalıq bäyrämneñ berençe könendä xäyran ğına aqça betergän. Öçençe urınnı elektriçqa häm autobuslarnıñ kitü waqıtın beleşü alğan. Bu xaqta Azatlıqqa 09 xezmäteneñ 53-nçe operatorı xäbär itte.
--------------------------------------------------------------------------------------------
►Tup tipkäläw Qazanda modağa keräçäk
Futbol söyüçelärneñ bu könnärdä böten iğtibarı Europa çempionatında. Qazanda isä, 13 yün könne Tatarstan tarixında berençe tapqır futbeg, yäğni soqs yarışları ütte. Bu çrağa 50 läp yäş yeget cıyılğan. Berençe urınnı alğan Stanislaw Lobin aqçalata büläk tä alğan. Sportnıñ bu töre yäşlär arasında tarala ğına başladı, di Qazan futbegerı Dmitriy Burmistrov. Ul 2005 yılda bu tör buyınça dönya çempionatında qatnaşqan. “Ekstrim Faktor” klubı oyıştırğan Qazandağı çaranıñ töp sudyä-bäyäläwçese bulğan. Ämma, Qazanda bu sport öçen maxsus tup tabu alay uq ciñel tügel ikän.
“Bez tuplarnı üzebez tegäbez. Yäki Mäskäw, Peterburdan häm dönya çempionatlarınnan alıp qaytabız. Qazanda yaxşı tuplar yuq”, di Burmistrov.
Futbegçılar eçenä qatı äyber kisäkläre tutırılğan keçkenä tuplarnı ayaqları belän cirgä töşermiçä tipkäläp üz ostalıqların kürsätä. Bu uyın dönyanıñ küp xalıqlarında bar. Ämma sport töre bularaq räsmiläşüenä 30 yıl da tulmağan.
►Yaña radio efirda “tärtip” urnaştıra
Qazanda eşli başlağan yaña radio “Tärtip-FM” dip atala. 11 yündä Qazan waqıtı belän 19 säğättä berençe awazlar efirğa çıqtı.
“Bu “tärtip” digän süz eçke eşlär ministrlığı küz aldında totqan tärtip turında süz barmıy. Eçke dönyabız, iman dönyabıznıñ tärtibe turında süz bara. Fani dönyanıñ tärtibe turında. Anı oyıştıruçılar şulayraq küz aldına kiterep “tärtip” süze belän atadıq dip äytergä kiräk inde”, di “Tärtip-FM”nıñ muzıka möxärrire Qämil Bikmöxämmätov.
Älege radionı oyıştıruçı häm anıñ isemen uylap tabuçı, şulay uq mödire Marat İblyäminov äytüençä, tatar telendä berniçä efir dulqını eşläwgä qaramastan, küplärneñ ruxıy mänfäğätläre, teläkläre tulısınça qänäğätländerelmi.
--------------------------------------------------------------------------------------------
►Tatarstan Törkiä eşmäkärenä mäxkämä eşen ottırdı
Şuşı könnärdä, “Kommersant” gazetasında çıqqan mäğlümatlarğa qarağanda, 11 yıl däwam itkän bu eşkä noqta quyılğan. İstambulnıñ kommersia mäxkämäse Tatarstannıñ möräcäğäten qänäğätländermiçä, eşmäkär Ertyürk Degernı ğäyepsez dip tapqan.
Gazeta uquçılar nigä zarlana?
Prezidentsız Tatarstan bulamı?”- bu sorawğa cawapnı “Bezneñ gäcit”neñ 11 yün sanında kürä alasız. Şulay uq, älege gazetanıñ soñğı sanında “Äcälle äcät”, “Wahhabiçılar – kemnär ul?” isemdäge yazmalar da urın alğan.
“Bezneñ gäcit”neñ soñğı sanınıñ ikençe bitendä KDU studentı Ayzat Şäymärdanovnıñ “Xokkeydan tatar “ise” kilä” yazması iğtibarnı cälep itte. Ayzat üze äle yäş qäläm iäse buluğa qaramastan “Bezneñ gäcit”tä häm başqa respublikanıñ tatar telle gazetalarında yaxşı ğına mäqäläläre basılıp kilä. Ä inde bez qarıy torğan yazmasına kilsäk, monda ul “Aq bars” ta tatar uyınçıları az buluına borçıla, Rusiä Xokkey qomandalarındağı tatar uyınçıların sanap çığa. Mäqäläsendä anıñ boz östendäge uyınnarnı küzätep baruı sizelä, bu bigräk tä uyınçılarnıñ niçek uynağannarın häm beraz üzgäreş kertep yaña qomanda tözegän oçraqta niçek uynıyaçaqların farazlawında kürenä. Autor tatar uyınçılarına Zinnätulla Biläletdinov kebek yaxşı tatar trenirı kiräklegen dä äytä.
--------------------------------------------------------------------------------------------
►Bäyrämdä xalıq aqça küp betergän
Rusiädäge çirattağı ozın yallarda bu xezmätkä küñel açu urınnarı telefonnarın sorawçılar nıq artqan. “Sberbank” telefonnarı belän qızıqsınu ikençe urında tora ikän. Küräseñ, xalıq bäyrämneñ berençe könendä xäyran ğına aqça betergän. Öçençe urınnı elektriçqa häm autobuslarnıñ kitü waqıtın beleşü alğan. Bu xaqta Azatlıqqa 09 xezmäteneñ 53-nçe operatorı xäbär itte.
--------------------------------------------------------------------------------------------
►Tup tipkäläw Qazanda modağa keräçäk
“Bez tuplarnı üzebez tegäbez. Yäki Mäskäw, Peterburdan häm dönya çempionatlarınnan alıp qaytabız. Qazanda yaxşı tuplar yuq”, di Burmistrov.
Futbegçılar eçenä qatı äyber kisäkläre tutırılğan keçkenä tuplarnı ayaqları belän cirgä töşermiçä tipkäläp üz ostalıqların kürsätä. Bu uyın dönyanıñ küp xalıqlarında bar. Ämma sport töre bularaq räsmiläşüenä 30 yıl da tulmağan.
