Accessibility links

Кайнар хәбәр

Шәһит Хоҙайбирҙин бүләге лауреаттары иғлан ителде


Бүләк был юлы өс кешегә бирелә. 30 мең һум күләмендәге аҡсалата бүләк “Йәшлек” гахетаһы хәбәрсеһе Баныу Ҡаһармановаға тапшырыла.

Уның Башҡортостанда иғлан ителгән ғаиләгә социаль ярҙам йылын яҡтыртҡан мәҡәләләре юғары баһа алды. “Ватандаш” журналы менән хеҙмәтәшлек иткән Радик Вәхитов башҡортостан һәм Рәсәй берҙәмлегенең 450 йыллығына арналған тарихи китап авторы. Баҫма “Ике башлы сәмреғош ҡанатына” тип атала.

Тағы ла бер еңеүсе Андрей Ничков, “Мололежная газета” хәбәрсеһе. Ҙур ҡаҙаныштарға ирешкән журналистарҙың был еңеүе башҡаларға өлгә ти, Хоҙайбирҙин исемендәге премия комиссияһы ағзаһы Рәйлә Шәкүрова.

Шәһит Хоҙайбирҙин исемендәге дәүләт премияһы 1997-се йылда барлыҡҡа килгән. Әле уға республика баҫмаларында эшләүсе 70 тән ашыу журналист лайыҡ булған. Ҡәләм оҫталарын тәбрикләү тантанаһы Күгәрсен районының Хоҙайбирҙин ауылында үткәрелә.

XS
SM
MD
LG