Accessibility links

Misırda avtobus suğa töşte qazada 47 keşe ülde


Misırnıñ Minya wilayätendä ber avtobusnın qazağa oçrap suğaru kanalına töşep kitüe näticäsendä kimendä 47 keşe suda tıñçığıp ülde, 10 keşe isä yaralandı.

Misırnıñ räsmi Mäna xäbär agentlığı belderüençä, qaza waqıtında avtosbusta 70 keşe bulğan, şul säbäple kanalda barğan qotqaru çaraları waqıtında ülgännär sanının äle artuı ixtimal.

Qaza turındağı mäğlümatlarga qarağanda, suda buıludan qotılğan maşina yörtüçese, qaza waqıtında qarşı yaqtan kilgän maşinağa bärmäw öçen rulne buru belän dönyanıñ iñ zur suğaru kanallarınnan berse bulğan yul qırıyındağı İbrahimiä kanalına kerep kitä.

Misırda trafik qağidäläre ütälmäw häm yul şartlarınıñ naçar buluı säbäple citdi qazalar barlıqqa kilä. 2006 yılda ğına trafik qazalarında 8 meñnän artıq keşe ülgän ide.

XS
SM
MD
LG