Tähran: "AQŞ säyäsätendä ällä ni üzgäreş yuq"

Tähran – Obamanıñ näwrüz qotlawında, İran belän yaña mönäsäbätlär başlarga taqdim itüennän soñ, İran AQŞqa qarata säyäsätne üzgärtergä äzer buluın belderde. Läkin İran şart quya: AQŞ ta säyäsäten üzgärtergä tiyeş.

Bu xaqta bügen İrannıñ dini başlıgı Ayatolla Ali Xamenei belderde.

Xamenei bu süzenä östäp, Prezident Obamanıñ video yazmasınnan qala AQŞnıñ bu yünäleştä küz belän kürenerlek säyäsi üzgäreş kürsätmäwen telgä aldı.

Xamenei Mäşäd şähärendä yasagan çıgışında, AQŞ bezdän üzgäreş kötsä dä, üze bu xaqta älegä tırışlıq kürsätmäde dip äytte.