“Зур-8” Африкага 20 миллиард доллар бирә

Италиянең Аквила шәһәрендә барган “Зур-8” саммитының соңгы өченче көнендә Африканың ярлы илләренең авыл хуҗалыгына ярдәмгә 20 миллиард долларлык ярдәм бүлеп бирү турында килешенде.

Азык-төлек иминлеге дип аталган әлеге килешүне кабул иткән утырышта Африка илләре вәкилләре дә катнашты.

Саммитның алдагы ике көнендә “Зур-8” илләре җитәкчеләре халыкара иминлек һәм икътисади кризиска каршы көрәш турында сөйләште, күмер газын һавага чыгаруны киметү турында килеште.