Accessibility links

Кайнар хәбәр

Португалия, Германиядә парламент сайлавы узды


Германия һәм Португалиядә бүген парламент сайлавы узды.

Германиядә 62 миллион 200 мең кеше тавыш бирү хокукына ия.

Хәзерге канцлер Ангела Меркельнең урта-уң христиан демократлар коалициясе тавышларның күпчелеген алып Меркель канцлер урынында калыр, дип фаразлана.

Хакимияттәге партия өчен алда торган иң зур проблема – Германиянең Әфганстандагы гаскәрләре. Бүгенге көндә Әфганстанда 4200ләп алман хәрбие бар. Германия җәмәгатьчелеге арасында аларны кире өйләренә кайтару өчен хакимиятләргә басым арта.

Ил буйлап иминлек ныгытылган. Соңгы ике атнада Әл-Каида һәм Талибан Германиягә Әфганстаннан гаскәрләрне чыгаруны таләп итеп кисәтүләр ясады.

Португалиядә парламенттагы урыннар өчен 16 партия көрәште. Анда да хакимияттәге социалистлар күпчелек тавышларны алыр, дип көтелә.
XS
SM
MD
LG