Хөкүмәт башлыгының беренче урынбасары Равил Моратов аңлашылмаучанлыкны бетерү өчен узган атна ахырында матбугат очрашуы үткәрде.
Шимбә көнне фатир тоту өчен түләүләрнең 30-50%ка артуына ризасызлык белдереп, казаннар Камал театры мәйданына пикетка чыгарга ниятләде. Бу чараның булмау сәбәпләрен Татарстан һөнәр берлекләре федерациясе рәисе Татьяна Водопьянова, хакимиятнең әлеге мәсьәләгә карашын уңай якка үзгәрүе белән аңлатты.
"Һәркем халыктан күбрәк акча суырырга тели"
Равил Моратов “бүген хезмәт күрсәтүче ширкәтләр халыктан күбрәк акча суырырга тели. Әмма без моңа каршы торачакбыз,” ди. Аның сүзләренчә, тарифлар өчен муниципал берәмлекләр һәм хезмәт күрсәтү ширкәтләре җаваплы. “Ләкин хөкүмәт кулланучыларга ярдәм итми кала алмый. Без бу тармактагы тарифларны тикшердек. Биредә күп кенә аңлашылмаулар да бар”, ди Моратов. Аларны бетерер өчен хөкүмәт Равил Моратов җитәкчелегендә тагын бер комиссия төзеде. Бу идарә хезмәт күрсәтүче ширкәтләрне тикшерү белән шөгыльләнәчәк.
"Лифтка квадрат метр утырып йөрми"
Күпләрдә канәгатьсезлек уяткан лифт һәм чүп чыгару өчен түләүләр 2010 елның 1 мартыннан кеше саныннан алына башлаячак. Яңа кертелгән тәртипләр нигезендә исә ул квадрат метрдан түләнергә тиеш иде.
Равил Моратов аңлатканча, хәзер беренче, икенче катларда яшәүчеләр лифтны төзекләндерү өчен генә түләячәк, калганнар исә фатирда яшәүче кеше саныннан чыгып лифтта йөргән өчен дә, аны төзекләндерү өчендә түләячәк. Моратов сүзләренчә, лифт өчен түләүнең кыскартылуы гына да, Казандагы бөтен халыкның 263 миллион сум акчасын янда калдырачак.
Чүп җыю өчен түләүләр дә икегә бүленәчәк. Чүп җыю җиһазларын төзек хәлдә тоту өчен квадрат метрдан, чүп чыгару исә, кеше саныннан исәпләнәчәк.
Моннан тыш Равил Моратов, инженер челтәрләрне төзекләндерү һәм хезмәт күрсәтүче ширкәтләрне эшләтүгә киткән чыгымнарны тикшерергә кирәк, ди. Хөкүмәт башлыгы урынбасары 2010 елның 1 июленә кадәр тарифлар тармагында булган аңлашылмауны җайга салырга вәгъдә итә. Аңа кадәр ул, торак коммунал хезмәт алучы кулланучыларның хокукларын яклаучы проект булдырырга тели.
Моратов Татарстанда торак дәүләт инспекциясен төзергә кирәк ди. Җитәкчелек фикеренчә, ул вакытта торак коммунал түләүләр тармагында буталчыклар чыгаручы проблемалар булмас иде.
Шимбә көнне фатир тоту өчен түләүләрнең 30-50%ка артуына ризасызлык белдереп, казаннар Камал театры мәйданына пикетка чыгарга ниятләде. Бу чараның булмау сәбәпләрен Татарстан һөнәр берлекләре федерациясе рәисе Татьяна Водопьянова, хакимиятнең әлеге мәсьәләгә карашын уңай якка үзгәрүе белән аңлатты.
"Һәркем халыктан күбрәк акча суырырга тели"
Равил Моратов “бүген хезмәт күрсәтүче ширкәтләр халыктан күбрәк акча суырырга тели. Әмма без моңа каршы торачакбыз,” ди. Аның сүзләренчә, тарифлар өчен муниципал берәмлекләр һәм хезмәт күрсәтү ширкәтләре җаваплы. “Ләкин хөкүмәт кулланучыларга ярдәм итми кала алмый. Без бу тармактагы тарифларны тикшердек. Биредә күп кенә аңлашылмаулар да бар”, ди Моратов. Аларны бетерер өчен хөкүмәт Равил Моратов җитәкчелегендә тагын бер комиссия төзеде. Бу идарә хезмәт күрсәтүче ширкәтләрне тикшерү белән шөгыльләнәчәк.
"Лифтка квадрат метр утырып йөрми"
Күпләрдә канәгатьсезлек уяткан лифт һәм чүп чыгару өчен түләүләр 2010 елның 1 мартыннан кеше саныннан алына башлаячак. Яңа кертелгән тәртипләр нигезендә исә ул квадрат метрдан түләнергә тиеш иде.
Равил Моратов аңлатканча, хәзер беренче, икенче катларда яшәүчеләр лифтны төзекләндерү өчен генә түләячәк, калганнар исә фатирда яшәүче кеше саныннан чыгып лифтта йөргән өчен дә, аны төзекләндерү өчендә түләячәк. Моратов сүзләренчә, лифт өчен түләүнең кыскартылуы гына да, Казандагы бөтен халыкның 263 миллион сум акчасын янда калдырачак.
Чүп җыю өчен түләүләр дә икегә бүленәчәк. Чүп җыю җиһазларын төзек хәлдә тоту өчен квадрат метрдан, чүп чыгару исә, кеше саныннан исәпләнәчәк.
Моннан тыш Равил Моратов, инженер челтәрләрне төзекләндерү һәм хезмәт күрсәтүче ширкәтләрне эшләтүгә киткән чыгымнарны тикшерергә кирәк, ди. Хөкүмәт башлыгы урынбасары 2010 елның 1 июленә кадәр тарифлар тармагында булган аңлашылмауны җайга салырга вәгъдә итә. Аңа кадәр ул, торак коммунал хезмәт алучы кулланучыларның хокукларын яклаучы проект булдырырга тели.
Моратов Татарстанда торак дәүләт инспекциясен төзергә кирәк ди. Җитәкчелек фикеренчә, ул вакытта торак коммунал түләүләр тармагында буталчыклар чыгаручы проблемалар булмас иде.
