“Татарстан яшьләре” газетының спорт хәбәрчесе Алмаз Гафиятов бу җиңүдән соң: “Уен барышында “Рубин” үзен көчлерәк хис итте” дип белдерә.
“Сезон да, Русия премьер-лигасы да башланмады, шуңа да карамастан, “Рубин” икенче кубогын яулады. Башта яшь состав белән “Кубок содружество”ны оттылар. Суперкубок өчен “Рубин” һәм ЦСКА уйнады. Узган ел нәкъ шул ук кубок өчен әлеге ике такым көрәшкән иде. Ул вакытта “Рубин” көчсезрәк булып чыкты.
Ә быел “Рубин”га очраклы җиңгән такым буларак кына түгел, ә Европада да җиңгән команда буларак карадылар. “Рубин” бу уенда үзен ныграк һәм көчлерәк хис итте. ЦСКА аңа каршы артык әллә нәрсә эшли алмады”, ди Гафиятов.
Соңгы вакытта “Рубин” тагын да биегрәк үрләр яуларга тырыша. Уңышның сере нәрсәдә соң? Уенчылары шәпме? Алмаз Гафиятов та, моның сере яхшы уенчылар сатып алуда гына түгел, дигән фикердә.
Монда Бердыевның һәм тренерларның сайлап алу тәртибе зур дип әйтер идем. “Зенит” һәм ЦСКА такымнары белән чагыштырганда “Рубин” бюджеты әллә ни зур түгел. Безнең тренерлар халыкка билгеле булмаганнардан да оста уенчылар, Европа йолдызлары ясый ала.
Монда “Чемпионнар лигасы”нда катнашу да, хәзерге Европа лигасы уеннарын да билгеләп китәргә була. Бюджетына күрә “Рубин” олы йолдызлар артыннан кумый. Уртача гына уенчылар алына, әмма такым рухы көчле.
Уңышларга килгәндә исә, бу үзенә күрә Казанны таныту. Башка такымнар ярдәмендә дә чит илләрдә, дөньяның башка почмакларында Татарстан башкаласын беләләр бит. Бигрәк тә “Барселона” белән уйнаганда Рубин Казанны дөньяга танытты дип әйтергә була”, ди Гафиятов.
“Татар-информ” хәбәр итүенчә, “Рубин” такымы остазы Курбан Бердыев та ЦСКАны җиңгәннән соң, уенчылар хәзер моннан елъярым элек булган кебек каушамый, дигән. Бердыев бу җиңүдән канәгать.
“Сезон да, Русия премьер-лигасы да башланмады, шуңа да карамастан, “Рубин” икенче кубогын яулады. Башта яшь состав белән “Кубок содружество”ны оттылар. Суперкубок өчен “Рубин” һәм ЦСКА уйнады. Узган ел нәкъ шул ук кубок өчен әлеге ике такым көрәшкән иде. Ул вакытта “Рубин” көчсезрәк булып чыкты.
Ә быел “Рубин”га очраклы җиңгән такым буларак кына түгел, ә Европада да җиңгән команда буларак карадылар. “Рубин” бу уенда үзен ныграк һәм көчлерәк хис итте. ЦСКА аңа каршы артык әллә нәрсә эшли алмады”, ди Гафиятов.
Соңгы вакытта “Рубин” тагын да биегрәк үрләр яуларга тырыша. Уңышның сере нәрсәдә соң? Уенчылары шәпме? Алмаз Гафиятов та, моның сере яхшы уенчылар сатып алуда гына түгел, дигән фикердә.
Монда Бердыевның һәм тренерларның сайлап алу тәртибе зур дип әйтер идем. “Зенит” һәм ЦСКА такымнары белән чагыштырганда “Рубин” бюджеты әллә ни зур түгел. Безнең тренерлар халыкка билгеле булмаганнардан да оста уенчылар, Европа йолдызлары ясый ала.
Монда “Чемпионнар лигасы”нда катнашу да, хәзерге Европа лигасы уеннарын да билгеләп китәргә була. Бюджетына күрә “Рубин” олы йолдызлар артыннан кумый. Уртача гына уенчылар алына, әмма такым рухы көчле.
Уңышларга килгәндә исә, бу үзенә күрә Казанны таныту. Башка такымнар ярдәмендә дә чит илләрдә, дөньяның башка почмакларында Татарстан башкаласын беләләр бит. Бигрәк тә “Барселона” белән уйнаганда Рубин Казанны дөньяга танытты дип әйтергә була”, ди Гафиятов.
“Татар-информ” хәбәр итүенчә, “Рубин” такымы остазы Курбан Бердыев та ЦСКАны җиңгәннән соң, уенчылар хәзер моннан елъярым элек булган кебек каушамый, дигән. Бердыев бу җиңүдән канәгать.
