Сүрия төньякка меңнәрчә хәрби җибәрә

Сүрия хакимияте илнең чуалышлар булган төньяк өлешенә меңнәрчә солдат һәм хәрби техника җибәрә.

Рәсми хәбәрләргә караганда, хәрбиләр Дҗиср әш-Шугур шәһәрен контрольгә алачак. Дүшәмбе көнне хөкүмәт анда йөздән артык хәрбинең үтерелүен белдерде.

Әлегә бу хәбәр бәйсез чыганаклардан расланмый. Сүриянең төньяк районнарыннан йөзләрчә кеше Төркиягә качты.