Төркия мәхкәмәсе җиде генерал һәм адмиралны кулга алырга куша

Төркия мәхкәмәсе дәүләт түнтәрелеше әзерләү турындагы эш кысаларында вазифадагы җиде генералны һәм адмиралны кулга алу карары чыгарды.

Төркиядә тыелган исламчы фиркадән үсеп чыккан хакимият фиркасе Гаделлек һәм тәрәккыятьне бәреп төшерүгә җыену гаепләүләре бу офицерларга июль аенда ук белдерелгән иде.

Элегрәк бу эшкә бәйле рәвештә йөзләрчә хәрби кулга алынды.

Бу репрессияләргә ризасызлык йөзеннән июль аенда Төркия армиясенең югары җитәкчелеге вазифасыннан китте.