Accessibility links

Кайнар хәбәр

Самарның Безенчук районында яңа мәчет ачылды


Тантана манара күтәрү белән башланды
Тантана манара күтәрү белән башланды

Сәясәтчеләр яманлаган Горбачев мөселманнар өчен динебез исламга капка ачкан шәхес. Үзгәртеп кору чорларында гыйбадәтханәләр күбрәк зур шәһәрләрдә һәм авылларда корылса, хәзер инде урыс арасында азчылыкта сибелеп яшәгән татарлар да мәчетләр сала башлады. 2011 елда Самар өлкәсендә 76нчы мәчет сафка басты.


Самар өлкәсендә кечкенә шәһәр исемлегендә булган Безенчук бар. Биредә татарлар саны – 686. Бу каладагы халыкның 1,6 %ы дигән сүз. Анда узган ел ахырында җыйнак кына гыйбадәтханә сафка басты.

Төзелеш өч ел дәвамында барды. Чыгымнарның иң зур өлешен үз җилкәсенә милләттәшебез эшбатыр Гаяз Рафиков алды. Аллаһ йорты турыдан-туры үз вазифаларын башкарып килгән очракта да, татарларның милли-мәдәни үзәге булырга да ният тота.
Мәчетне тантаналы ачу
Мәчетне тантаналы ачу

Бина намазчылар белән тулып торыр дигән фараз салына, чөнки шәһәр хакимиятендәге ханым әйтүенчә, бүгенге көндә мөселманнарның саны өч меңгә якын икән. Кечкенә шәһәр өчен бу матур сан. Казахлар саны 700гә якын булса да, аларны динле катлам дип әйтеп булмый. Самардагы җомга намазларында казахлар сирәк күренеш. Ул яктан азәриләр бик актив, Безенчукта 300гә якын алар. Соңгы елларда үзбәк, таҗикларның күзгә күренеп артуын да исәпкә алырга кирәктер.

Шунысы игътибарга лаек: Безенчук районында әлегә бу бердәнбер мәчет.
Манарага ай куюны Коръән укып түгәрәкләделәр
Манарага ай куюны Коръән укып түгәрәкләделәр
XS
SM
MD
LG