Мәскәүдә мәхкәмә полициягә буйсынмауда гаепләп Удальцовны 10 тәүлеккә сак астына алган

Мәскәүнең Пресненский мәхкәмәсе «Сул фронт» хәрәкәте координаторы Сергей Удальцовны 10 тәүлеккә кулга алу карарны чыгарды.

Удальцов һәм аның тарафдарлары узган шимбәдә Яңа Арбаттагы митингтан соң тоткарланды. Полиция мәгълүматларына караганда, ул һәм башка кайбер активистлар Пушкин мәйданы янына таба йөреш уздырырга теләгән һәм полициягә буйсынмаган. Удальцов бу карарны гаделсез дип тапты һәм коры ачлык игълан итте.