“ТНВ-Планета” телевизион каналы үз эшен башлады

Бүген “ТНВ-Планета” иярчен телевизион каналы үзенең техник эшчәнлеген башлады. Планлы рәвештә ул 30 августта гамәлгә керергә тиеш.

“ТНВ-Планета” сигез сәгатьлек тапшырулар блогыннын торачак. Анда “Яңа Гасыр” каналының татар телендәге иң яхшы тапшырулары, спектакльләр, концертлар һәм фонд программалары күрсәтеләчәк. Яңалыклар сәгать саен татар һәм урыс телендә чыгачак. Атнасына биш тапкыр “Татарлар” тапшыруын күрсәтү каралган.