КПРФ, “Гадел Русия” конституция мәхкәмәсенә сорау юллады

Русия думасындагы КПРФ һәм “Гадел Русия” депутатлары Русия конституция мәхкәмәсенә сорау юллады. Алар митинглар һәм губернаторларны сайлау канунының конституциягә туры килүен тикшерүне таләп итә.

Бу хакта бүген ИТАР-ТАССка мәхкәмәдән белдергәннәр. Парламентарийларның үтенечләре канәгатьләндереләчәге турында белдерелми. Канунга күрә, конституция мәхкәмәсе ике ай эчендә депутатлар соравын карауга кабул итә, йә булмаса кире кага ала.